موضوع جميل وفيه نوع من التسليه وفيه نوع من الفضفضه
طيب انا بقولك مشكلتي وبنشوف تحلها ولا لا وبشوف احد الاعضاء يحلها ولالا
مشكلتي انا انتدبت فتره للخبر وعجبني الوضع هناك
وصرت كل ما اجي للرياض اطفش وودي ارجع للخبر مو عشان لا بحرين ولا شي عشان محد يقول ايه بحرين وغيره
مع اني من انتدبت مادخلت البحرين الا مرتين
المهم
قسمنا له قسم تابع له بالاداره الاقليميه بالخبر يعني مديرنا هو مديرهم بنفس الوقت
طلبت نقل لهناك بشرط استلام القسم تم تسليمي القسم وانبسطت والله على الوضع
بالذات ان فيه شوية اختلافات في الدين ولكن مع هذا عادي قدرنا نسيطر على الوضع
وتعودت هناك وكل ما اجي للرياض ما اجلس يوم او يومين واطفش وودي ارجع
مع العلم بان الانتداب خلص من فتره وانا بالرياض وطفشت وبقوه
بالذات من الزحمه هناك اطلع لدوامي قبل الدوام بعشر دقايق واوصل قبل الدوام وانا مبسوط
الحين اخذت شقه حول البنك عشان الزحمه ومع هذا ماراح الطفش
تعودت هناك على الكورنيش وعلى طلعات البحر وعلى التعسيله بشاطئ العزيزيه او نهاية الكورنيش
شي
لدرجة اني اشتركت انا وواحد بمركز حاسب الي بمجمع الدوسري بالخبر
وهذا سبب روحاتي للخبر
بالرياض مابوه الا مقاهي شيشه ذبحتنا
وازيدكم من الشعر بيت الشركه اللي بتوظف فيها بعد ساب مالها فروع بالخبر بس بالرياض وجده وبعد فتره بيفتحون بالخبر بس مستحيل يودوني هناك
وش الدبره