المشاركة الأصلية كتبت بواسطة همس الترحال

أسعد الله مساءكم ..
أبي أعرف كم راتب المتعينة رسمي على وظيفة إدارية ..

إذا كان معك شهادة بكالوريوس تتوظفين على المرتبة السادسة الدرجة الاولى الراتب الصافي 4390 مع البدلات يوصل ل 5000 وشوي (( البدلات طبعاً بدل غلاء معيشة + بدل نقل + بدل طبيعة عمل ومو كل الوظايف طبعاً يكون لها هالبدل ))

وهل يحق لي بعد الوظيفة أن أكمل ماجستير يعني يسمحلي النظام بالعمل والدراسة اللي يعرف وبسلك التعليم يرد علي الله يجزاه خير ...

بتكلملك عن تجربتي أنا تخرجت قبل سنة وقدمت على الماجستير ووظيفة حكومية وبفضل ربي قبلت في اثنتيين باشرت العمل ب شهر 7 السنة اللي فاتت والمفروض ابدأ دراسة الماجستير بعد العيد حاولت أخذ تفرغ اجازة اي شيء رفضوا بحجة إني موظفة مستجدة لازم اكمل على الأقل سنة حتى يحق لي فقط الاجازات الاعتيادية .. ولازم أكمل بالوظيفة 3 سنوات عشان أقدر اخذ تفرغ دراسة .. وللعلم لازم توافق رئيستي المباشرة والرئيس اللي يرأسنا اثنتيين على التفرغ .. يعني ممكن مديرتي المباشرة توافق بس الوكيلة ترفض << .. وأكثر المديرات اصحاب حرف الدال طبعاً لا يوافقون على التفرغ بحكم إنهم مايحتاجون شهادتك (( وهذا اللي قالته لي الدكتورة بالحرف الواحد )) وفي الحقيقة هو حسد لا أكثر ولا أقل خصوصاً لو كان التفرغ جزئي .. وإذا درستي من دون موافقة ممكن مايعترفون بشهادتك .. والاجازة الاستثنائية ( من دون راتب ) سنة وحدة لكل خمس سنوات والدراسة يبيلها أقل شيء 3 سنوات وماتقدرين تأخذينها إلا بعد موافقة الحبايب .. بس إذا معك واسطة هنا بيختلف الحال وتصير امورك تساهيل ..

اتمنى أكون افدتك ... وللعلم أنا موظفة ادارية بجامعة