اكتب حروف الحـب حبـسٍ برجيلـك
قيـدٍ يقيّـد خطـوتـك .. لاتـروحـي
اقعد معي .. وان رحت خذنـي مخاويـك
انا لاتروح ان كـان قفيـت .. روحـي
ريّـض خطـى رجلـك شـويٍ لغاليـك
خلـه عليـك بسـر حـبـه يبـوحـي
يـاواحـدٍ مـالـك شبـيـهٍ يحالـيـك
نفسٍ بحبـك مـن ظماهـا .. شحوحـي
اغليك واللي كوّن الكون .. انـا اغليـك
و(حب الغلا ) .. ماهوب مثل حب المزوحي
ياغالـيٍ .. دمعـات عيـنـي تناجـيـك
بعبايـرٍ مـن فـوق خـدي تفـوحـي
حتـى وانـا فـي غفـوة النـوم اناديـك
و(طيفك) على شاشة خيالـي .. يلوحـي
ارجع علـيّ .. وضمنـي بيـن اياديـك
(ضمة غلا) .. تحيي بهـا ميـت روحـي