المشاركة الأصلية كتبت بواسطة آخر حل

تعاملهم ممتاز .. سرعة الانجاز موجودة

المشكلة الوحييييييييييييده الي طلعت .. لمن اخذنا ورقة الكشف الطبي وقالولنا انزلو تحت عند الاتصالات الاداريه اختمو الورقة وروحو الاتصالات الاداريه

ختمنا الورقة ورحنا الاتصالات الادارية قالولنا جيبو صوره منها ..

من وييييييييييييييييييييييييين نصورها .. تخيل هههههه الموظفين يقولو دبرو انفسكم او اطلعو الدور السابع هناك يصورولكم الورق ..

طلعت فوق حصلت اثنين جالسين في مكتب كلمتهم واحد نشمي قال ابشرررر .. اخذ الورقة يصورها جا عند الطابعه ماحصل فيها ورق .. راح للمكينة الثانيه ماحصل فيها ورق .. راح يدور ورق ماحصل .. قام خويه قال ارسل الكشف بالفاكس على فاكس واحد من الشيوخ

وسواها وجاب الورقة من الفاكس تخيل ..

الشباب مدري كيف دبرو انفسهم بس فيه موظفين طيبين يصورو الورق لو كلمت اي احد من الي في المكاتب .. بس لاتروح لمكاتب الشيوخ عشان لاتزعجهم .. تحصل مكاتب امين سر دائرة قضائية او سكرتير عندهم مكاين تصوير .. انت وحظك

لو بتروح بالسيارة اقرب مكتبة تصوير تقريبا جوا الحارة جنب مسجد الشعيبي

ايه صح .. يفضل انك تروح بدري بدري عشان بعدها على طول تروح للمستشفى تسوي الكشف وتريح راسك .. ووقت ماتطلع نتيجة الكشف وديه لهم ..

فيه مشكلة بسيطة كنت اقول للشباب قبل كم يوم اني اروح الفلف ادور موقف للسياره .. فعلا المواقف قليله .. وانتبه ترا المواقف الي تحت المبنى هذي حق الشيوخ وحق المدرا ..

الافضل انك توقف تحت كبري قريش هههههههههههه حصلت واحد من الموظفين .. شباب توه متعين .. قعدت اهرج معاه قالي مالك الا توقف تحت كبري قريش بس يفضل تجي بدري ..