السلام عليكم الحمد لله الذي بنعمته تتم الصالحات
مبروك علي وعليكم
اللى يسأل عن التدريس تبي نصيحة اخ ومجــرب ؟

التدريس صح راتبه حلو وتعديله أحلى بس وربي مقابل صحتك وكرامتك وهيبتك لأني لي اربع سنوات متخرج وهذه الخامسة تخصص لغة عربية كنت في مدرسة اهليه ابتدائية وربي كرهت نفسي أولياء الامور تقول انك شغال عندهم ومدير يبيك زي الالة ما ترتاح من اول ما تدخل لين ينتهي الدوام وانت تكرف

السنة اللى بعدها رحت متوسطة قلت اريح ارتحت نوعا ما بس ما زالت المعاناة سوا مع امهات الطلاب اللى تقول ولدها بيطلع مخترع وهو داشر حق دخان وخراب وصاحب المدرسة شغلة .واسكت يا ولد وحل الواجب يا ولد وانتبه وووو ألخ

حاولت في المدير وبعد شق الانفس اني اكون اداري قال خلاص بحطك مرشد طلابي وافقت وفرحت لقيتها ألعن وألعن وتواصلم مع الاهلي اكثر ومشاكل ولدي جاب درجة منخفضة وولدي انضرب اليوم وولدي غايب وانتم عاقبلتو بدون سبب وووو وشغلات كثيرة وكل شي على راسي


خلاصة القصـــة ونصيحة ابعد عن التدريس وش فيها 6000 تراني عشت على 1700 اربع سنوات عادية بنزين وفواتير وووو صح ما اقدر اشتري اللى ابيه بس انها معيشتني اجل 6000 وتعدل كل سنة 265 وفي المرتبة السابعة 315

ويكفي لك هيبة وواسطات