السلام عليكم ,,,, اخوي الله يزيل عنك البأس ويشفيك شفاء عاجل غير آجل ......

اخوي انا بقول لك قصتي ولعل تكون لك فائدة فيها ,,,, انا صار لي مثلك حسيت في يوم من الأيام اني ما اقدر اتحرك من الآلم راجعت مستشفيات كبيرة مثل الشميسي والحبيب والتأمينات ,,,,, الشميسي اول ما دخلت عندهم قالوا لي آلم بسيط بالظهر عطوني ابرة عادية مهدئة وقالوا رح وان حسيت بشئ راجعنا ثانية ,,,,, المهم رحت وحسيت بالآلم الشديد مرة ثانية رجعت لهم وتنومت عندهم لمدة 5 ايام ,,,,,, الأيام الأولى لي بالمستشفى كانت مجرد اخذ تحاليل وفحوصات ,,,,, من ثالث يوم قرروا لي ( أشعة الرنين المغناطيسي ) على اساس يشوفون المشكلة بالضبط ,,,, طلعت المشكلة في الفقرة الرابعة من الأسفل إنزلاق غضروفي ونصحوني بالعلاج الطبيعي وإن مانفع تسوي عملية ,,,,,, بعدها بيومين قرروا لي الخروج ....

بصراحة كان الآلم شديد جداً لدرجة اني مقدر اتحرك ابد ,,,,, المهم بعدها بشهرين لقيت اعلان لمستشفى التأمينات الطبي ( وانت على الدائري الشرقي متجه للشمال تطلع مع مخرج 14 تجيك الإشارة اللي على الدايري تاخذ معها يمين بعدين تسيد تجيك اشارة ثانية تاخذ يسار بعد 200 متر يجيك المستشفى على يمينك ) ,,,,,, انا سويت فحوصات عندهم وبعدها قرروا لي ( 6 جلسات علاج طبيعي ) مدة كل جلسة ساعة وحده .....

ابشرك الحين هالكلام صار له يمكن سنة ونصف ,,,,, ومن بعد الجلسات الست الأمور صارت افضل بـ 70% من الوضع اللي كان قبل الجلسات .....

صدقني ان العملية خطيرة لأن مكانها بالظهر ,,,,, حاول تأجل العملية وتسوي مثل اقول لك ,,,,, حاول تبتعد عن العملية انا ناصحك لأني سألت إستشاري عمود فقري وقال لي نسبة نجاحها ضئيلة ,,,,, وان نجحت راح تكون لها مضاعفات ,,,, انصحك تصبر وتأجل العملية لأنها والله صعبة ,,,,, ان بغيت تتواصل معي هذا رقمي وانا راح ادلك على اللي تبي 0542027885 حمد العقيلي .......

وارجوا من الأخوان والأخوات الدعاء لي ولك ولجميع المسلمين بالشفاء ,,,,,, خالص شكري للجميع