اقتباس:
المشاركة الأصلية كتبت بواسطة وناسه سعودي عاطل
إخوي انا بقول لك قصة ديوان المظالم
انا قدمت مثلي مثلكم
جاء وقت الاختبار بليله
اتصل علي احد الاخوان ساعه 4 الفجر قال لي معي الاسئله حقت ديوان المظالم
قابلته واخذت نسخه من الاسئله
الى الان كلام جميل
قريتها ورحت للاختبار
جاوبت مثل الي في الورقه
لو انا اعمي قسم بربي بجاوب
الزبده
طلعت النتائج وماطلع اسمي
ليه ؟
الله اعلم
مع العلم ان الاسئله نفسها بلمره نسخه منها والاجوبه صحيح مع انها جايه مجاوب عليها
الزبده جلست مع واحد من الشباب قلت له الموضوع وانا اضحك
قال لي
فيه رجال بلقصيم قاضي يوظفك بعشرين الف فيها انا انصدمت وحلف لي الرجال
قلت لو عندي خبر كان دفعت هلمبلغ
قال بسيطه لاتشيل هم الرجال مدخل نص ديرته
وان الرجال يحب الفلوس والخ
انا والله مدري عن صحة هلكلام
لكن شلون اطلع من الاختبار وانا مجاوب كل شي صح ؟
وبنسبه الى اختبار معهد الاداره نفس الحكايه
ووصلتني رساله تم قبولي
ورحت لمهم قالو لي اسفين بلغلط رفعت شكاوى للرئيس وقال كلنا نغلط وامسك الباب
والله مدري اخاف اننا بعد فتره نكون مثل (........) نفقد الاحساس كل شي بلواسطه
وربي مات فينا الاحساس بدينا مانحس ولاعاد فينا اهتمام
الله يوفق من قبل في الوظيفه وعسى الله يسهل امورنا واموركم
ويرزقنا وياكم وكل مسلم
يارب
توقيع
وناسه سعودي عاطل
|
لو فرضنا أن ما خطته أناملك كان صحيحا
كيف تريد ان يوفقك الله وأنت قمت بهذا العمل وأخذت الأسئلة بالغش
عجبي لمن ينتقد الناس بعدم الإحساس ولا يرى ماقام به 