[align=center]
السلام عليكم ورحمة الله وبركاته
خروج شوى عن الموضوع اهداء هذه القصيدة لجميع الاعضاء في الموضوع
[/align]
من ابرق الكبريت حتى النويصيـب
وحنا بروض كـل حـي يشوقـه
هذا ثمـد هـل ياعـرب شمخ النيب
ماهـو برمـث يابسـات عروقـه
منظورة من فضل ربـي تعاقيـب
والمزن يرزم ويتكاشـف بروقـة
بالله طعني واسمع الشور ياصحيب
خل الحياه عوص النجايب تذوقـة
وناستك لا شفت حرش العراقيب
تستن فـي روض اكبـار عذوقـه
مفرودها يبرق قبل شمسهـا تغيـب
ومن النفل والربل خضـر شدوقـه
والنجر يقنب بين عكف الانشانيـب
بـريـه لا نـيـه ولا محـروقـة
هي كيفنا وان غذربـنا المشاريـب
فنجالهـا علـى النشامـا نسـوقـة
وان مر طرقـي نعيـد التراحيـب
وحليـب بكـر لا تعشـى غبوقـه
واليا اختلط ريح النفل وازرق الطيب
يشفيك يـوم ان الهبايـب تسوقـة
وان غنت الورقى بروس المراقيـب
الفكـر معهـا مطـلـقات سبـوقـه
ترتاح نفسك من عنا الوقت والطيب
نفس من ازعـاج المدينـه زهوقه