كلمات رائعه لأحد أبناء عمومتي الذين أستمتع بقصائدهم وكلماتهم من موقع العائله
وبعلمهم أنقلها لكم
[GRADE="000000 FF1493 000000 FF1493 000000"]
تسأليني ليه ضايق ؟؟ إسألي نفسك وقولي
منهو اللي لاتضايقتي و(قسا وقتك ) تجينه ؟
منهو اللي لاحزنتي يوقف بموقف رجولي ؟
منهو اللي يكره العالم إذا كنتي حزينــــــــه ؟
منهو اللي لا بكيتي يكتب القاف البطــــــولي
منهو اللي قال لك ( هاتي يدينك ) في يدينه ؟
تذكري يومك تجيني واستفز الشعر حولي
واكتب لعينك قصيده اسمها بنت المدينــــه
قلتي اوصفني طلبتك من عيوني لاارجولي
وابتديت اوصف جمالك بالطريق اللي تبينه
ذا خريفي ذا ربيعي ذا شتاي وذي فصولي
ما اذكر ان الصيف جانا لا ولاجتنا سنينـه
ذا كلامي ذا غرامي ذا سلامي وذي أصولي
كلها تطلب رضاك وصارت لقلبك رهينـه
في حشايه ارتكيتي واشتكيتي من فضولي
والا انا ماني فضولي لكن عيونك غبينـه
للشموع انتي عشقتي وصار كل الشمع حولي
لوّني بعز النهار اشعلت شمعاتــي اللعينــه
يالأميره تسأليني ليه ضاقت بي حلولي ؟
وتسأليني يالأميره ليه اطرافي حزينه ؟
اعترف إني تعبت ولا قدرت ارفع حمولي
والهوى فيني صرخ لك عاشق احتاج لضنينه
يوم تزهم ياضنيني تنتظر لحظة وصولي
جيت لك فازع بحب ٍ ما أظن تلقى قرينه
جيت لك واذكر كلامي : جيت فازع لك بقولي
حمّليني كل همـّـك جعلني فدوة سنينـــه
ما أبي مطلب حياة ومابغيت الا حصــولي
للرضـا والبسمه اللي جمـّـلت فمـّـك بزينـه
يوم أخطيتي دمحت وقلت لك :صولي وجولي
رغم في هذا قبولي للمذلــّــه والمهينـــــــــه
ماحسبت حساب غيرك لا لذاك ولا لذولي
ماحسبت الا حسابك لو هو يحرمني السكينه
وسلامتكم
[/GRADE]