عملهم شفتات صباحي ومسائي ، بس ماراح تتأخر عن 9 مساء ، والدوام اظن 8 ساعات في اليوم 6 أيام في الأسبوع ، مادري إذا تغير اسألي في المقابله .
العمل في قسم نسائي يحطونك ببوث خاص فيك طاولتك وجهازك والهيدفون تردين على المكالمات وتسجلين بالجهاز المطلوب منك ..
أهم شي تعرفين تدبرين نفسك بالانجليزي وتكونين لبقه بالحديث ولاتعصبين خليك ريلاكس..
رواتبهم اذا بتمسكين خدمة عملاء بيكون في حدود 4 آلاف واذا بتكونين سوبرفايزر بيكون الضعف تقريبا ... الاجتماعات والدورات التدريبيه اختلاط بس نفس العمل لا قسم نسائي ..
مكانهم فعلا قريب من العويس على طريق الملك فهد بس بالضبط ماقدر افيدك اظن قبل الاشاره ... اسأليهم مافيها شي .
المقابله يمكن يقولون لك لو اتصل عليك زبون معصب كيف تتعاملين معه مثلا لو اتصل عليك زبون قل أدبه كيف تتصرفين معه .. يعني هذي خدمة العملاء يكون فيها مواقف مع الزبائن.. وممكن يخلونك فترة تجربه ويعطونك دوره تدريبيه في البدايه لما تتعودين على العمل .
اللي اعرفه ان الشركه سمارت لنك تتعاقد مع شركات ثانيه ، يعني ممكن تدربك وتجلسين عندهم وممكن تدربك بس تبع شركه ثانيه فاتحه قسم نسائي ومحتاجه بنات مدربات ... والله يوفقك .