آلف مبروك لجميع آخواني القبول ,, والله يتمم لكم بخير على ماتبقى
من مرحلة المفاضلة الأخيرهـ ..
وآقدم لنفسي ولاخواني اللي ماقبلو وآفر العزا بخبيبة أمل تعتريني من رأسي إلى أخمص قدمي
... على أني أردد من شفت عبارة عدم القبول "حسبنا الله سيؤتينا الله من فضله إنا إلى الله لراغبون" ..... لكن مو مستوعب وأشعر بكسرة نفس وبحزن جآآآآآآآآرف .. أعجز عن التعبير..
على إني مؤمن بما يقسم الله لي .. ورآضي بمكتوبي ,, لكن يمكن هالنتيجة تكشف لي أمام نفسي ضعف إيماني ... شكرا لديوان المظالم على هالتنظيم لاني خضت مسابقات كثير قبل واعرف الفارق تماما .. والذنب مو عليهم ابد ,, حسبي الله على اللي وصلنا له الحال وأحنا بوافر النعم من الله ..
الله يوفقكم جميع أخواني ممن تم قبولهم كان ودي أكون لكم زميل عمل ونتذكر سوالف التقديم بالمنتدى وتكون ذكريات حلوهـ .. لكن قدر الله وماشاء الله فعل .. الحمد لله على كل حال ..
والله يصبرنا ويعوضنا خير ,, واللي يحاول يواسينا بالمسابقات القادمة أقول للاسف لو نعرف انه فيه فرص قادمة أكثر مابنكون بهاليأس والحزن ,, المسابقات شحة بالفرص وووفرة بالوواسطات وصعب عاطل يوفر كل هالمصاريف والعمر مايرحم قاعد يركض بدون تأني ...
مابداخلي والله اكبر من الكلام .. احسن الله عزاي بديوان المظالم..
عمر الزمن ماحقق لخاطري شيء ,,
عسى العوض في مقبلات الليالي ..
مدري البلا بالوقت ولا البلا بي..
وين الرفيق اللي يجاوب سؤالي ..
إلى اللقاء ديوان المظالم مع طوفان من الحسرات والأحزان .. مع ألوف الأمنيات والأحلام المقتوله ..