السلام عليكم ورحمة الله وبركاته

اخوكم انقبل في الهيئة وطار من الفرحه يوم شاف الاسم بعد المقابله

وامس رحت للمدير عندي في مدرسه اهليه واستأذنت منه اشان اروح الهيئة المهم مالكم

بالطويله..

ونزلت مكه <<<لانه من الطائف...واعرف واحد من اخوياي هناك قلي اعرف محقق في الهيئة وش رايك نروح له قلت تم..

وشبنا مانطلع للمكتب حقه وسلام حيا الله بقا الله وش العلوم وش الاخبار وش عندكم قله الرجال جاي يكمل اوراقه ومن الكلام ذا طالع فالاوراق قال اش ممكن اخدمكم قلت ابد نبي نستفسر عن بعض الامور تفضل قلت الان الاسماء اللي طلعت 724 كلهم مقبولين والا وش وضعهم فيه مفاضله والا كيف وكيف الترشيح وعلى اي اساس قال لحظه ويمسك التلفون ويدق على رجال يقال له ابو ناصر قله بالنسبه للوظائف الاداريه حقت الهيئة اش موضوعها المهم قفل من الرجال وقلنا كلهم مقبولين الـ724 بس على ثلاث دفعات ..
طيب بالنسبة لورقة الاقرار اللي وقعناها انك ماتطالب بالتعليم قال لا عادي قدم واذا جاء التدريس قبل وظيفة الهيئة تروح عادي طيب والترشيح على اي اساس قال على الاختبار والمقابله والمعدل حق مؤهلك ومن الديوان طبعا طيب وكم بين كل دفعه ودفعه قال هذي على حسب احتياج الهيئة ...ولاندري عن الاحتياج لانها من الرياض...

هذا ماحصل معي حرفيا والله على ما اقول شهيد ..............
اتمنى اني اكون افدت بعض الاعضاء
وليتأكد الجميع اننا سوينا اللي علينا والتوفيق بيد الله تعالى .....

اسأل الله لي ولكم التوفيق والنجاح في الدنيا والاخرة