مبدع دائما سفيان انا من النوع الذي لا اشتكي لاحد ابدا لكن ابي اسولف لكم شوي عن ماي سلف انا من عائله كبير تتكون مخمسة اولاد وخمسة بنات ( كلهم متزوجين الا انا ومفرخين ) الكل في البيت متعلم واقل واحد انا فلدي بكالوريس محاسبه درست سنه كامله في كلية الجبيل الصناعيه ثم خرجت منها لالتحق باحد الجامعات. بواسطه المهم ان كل اخواني ماسكين مناصب حلوه في الشركات وخواتي كلهم مدرسات ثلاثة رياضيات واحده فيزيا والخيره دكتوره ونا الاصغر الكل في البيت يعاملني على انني الكتو موتو حق البيت وهذا والله يزعجني كثيرا. توضفت في شركتين بواسطه وخرجت منها لانني احس ان الوظايف هذه للناس علي فيها ( نفسي قشره) منه. في توظيفي . اشعر دائما بالحرج اذا قالي احد الاقارب تعال معي نشوفلك وطيفه حتى انني في بعض الاحيان اكذب واقول اني متوضف ودوامي بعد اسبوعين عندما تخرجت اعطاني الوالد الله يطول في عمره 100000ريال لكي اشتري فيها جيب كما كانت امنيتي وانا الي الان ما سويت فيها شي محطم بكل ما تعنيه الكلمه بدأت ادرس الماجستير في التكاليف الصناعيه الغير مباشره على حسابي الكل في البيت ينظر الي نظرة الشفقه والرحمه كم اكره هذه النظرات في اعينهم . في بيتنا دائما عزايم لبوي واخواني وضيوف كثير انا احب جمعة الناس والروحه والجيه لكن الان والله ماودي اشوف احد ابدا دائما اروح عند البل واقعد ثلاثة واربع ايام ما اجي الديره ابد ماغير انا والرعي متقابلين كنت احب الضحك والفرفشه والوناسه والطنازه اما الان فانا حاد المزاج جدا حتى ان امي تقول غريبه اليوم تضحك. جوالي دائما ما يسكت مثل جوال راعي البقاله اصبحت لا ارد على احد ابدا الا الصباح عشان التقديمات . سويت اكثر من 15 مقابله شخصيه منها شلوت ومنها برواتب ماتجيب قيمتة البانزين ومنها باقي ما ردو علي وانا ماني حريص كثير على الوضيفه ابغا اخلص دراستي الا اذا كانت وضيفه زي العالم والناس. لدي اخو مدير عام شركه معروفه وعمي الي عندنا بالدمام كبير في ارامكو والبقيه مدراء فروع اعمامي واحد صاحب رتبه عسكريه كبيره والثاني عنده منص كبير في ارامكو ايضا ابوي ليس متعلم ولا الوالده لكن كل اعيالهم جامعيين ( ما اقدر ازعلهم ابدا ابدا ابدا واحبهم حب جنوني بحيث لواطلع ساعه ادقع عليهم واقول الكلمه المعهوده علوم اخبار ) الحمد لله انا مبسوط جدا من الناحيه الماديه لكن ما احب يكون لا حد من الخلق فضل علي . لم اركب في يوم من الايام طياره ابدا لاني اخاف منها ولا احب اي شي يطبر حتى الذبانه :o واكره شي عندي واخاف منه الصرصور ابو كراعين مشعره:o العطله الصيفيه والاعياد بيتنا يصير مثل رامز زحمه وبزارين مثل النمل لكن انا ما احب البزارين الا وحده الي هي بنت اخوي عمرها اربع سنين والبقيه بالشلوت( يمكن لو ترفع طرف الزوليه يطلعلك ورع) اكثر شي اعماني وضيق صدري ووصل ضغطي فيه 220 يوم موت صديق لي حضرت عرسه وبعد اسبوع توفى وكان اعز اصدقائي الله يرحمه. لم اعش يوم من الايام قصة حب حقيقيه لكن كان عندي وحده اقدرها وخطبها الشايب لي وعطونا لكن الان متزوجه وعندها بنت وكرهت الحريم من بعدها ( لا تصدقون) لكن كان الموقف صعب اشوي. انا لم اكن في يوم من الايام دني نفس على اي شي فالي يبي شي يطلبه واعطيه اياه هههههه اي شي في يدي يطلبه احد اعطيه اياه حتى البزارين يعرفون هذا عشان كذا كل شوي عمي ودنا البقاله. اذبحولي يوم تخرجي بعير ووزعوه على الحاره ( وش عنده ) احب القصايد والشعر والادب ولم اسمع يوما من الايام اغنيه ولا موسيقا وانا متعمد السماع اتأثر دائما بالاشياء المأساويه وكم احزنتني قصة (الحق الزين يالولد) ارجو اني ما طولت عليكم لكن اليوم زعلان جدا وفصفصت عليكم ( فضفضت)