اقتباس:
المشاركة الأصلية كتبت بواسطة موسى البلوي
ماشاء الله تبارك الرحمن اخوي حنيش الف الف الف مبروك التخرج وعسى الله يكتب لك التوفيق في الدنيا والاخره وتكفى ادعي لي اني اتوفق واعدي الكشف الطبي عندي بشهر ثلاثه وخايف اول شي من الطول طولي 155 ووزني 85 يالله سترك يارب والله من كثر مفكر مهموم خايف معدي الكشف وتطير مني اخر امل اني اتوظف بعد بطاله اربع سنوات
ولا تقاطعنا تكفى يالغالي نبغى تفيدنا عن الدورات وعن اي شي نحتاجه بالمستقبل كمعلومه عن الحرس
وبالتوفيق لجميع الاخوان
الاخ نواف لا تيأس يالغالي وراجع التجنييد يمكن الله يسخر لك من عباده من يحل لك مشكلة الكشف
|
الله يبارك فيك يالذيب وترانا تونا ماتخرجنا باقي 4 ايام على التخرج يالذيب
وعقبالك ان شاء الله انت والاخوان فالكم النجاح بالكشف ودخول الدورة والتخرج منها
وبالنسبة للطول قلت لك لاتوسوس بعمرك والله معنا ناس اقزام رايحين فيها يمكن 150
عاد تدري اني سألت واحد قالي الحد الادنى للطول 150 بالحرس الوطني انت ماشاء الله 155
يعني امورك في السليم يارجال لاتشيل هم بس ، واذا عندك واسطة استغلها ، عشان لو تعكست الامور بوجهك تلقى شيء يمشي لك امورك بعد توافيق الله سبحانه
يعني لاتشيل هم ، انا شفني الحمدلله مافيني الا العافية وطولي تمام وجبت لي واسطة ، ترى الواسطة مو عيب ، الواسطة تفيدك في حال لو صار شيء كذ1 والا كذا يدفـك
والحمدلله سلكت اموري ودخلت الدورة
بالتوفيق يالذيب تحياتي لك 