[align=center]السلام عليكم ورحمة الله وبركاته
اخوي بخصوص الصين لدي قريب هناك يدرس ..
وفكرت اطلبه يوفر لي اغراض من الصين ملابس نسائية وشنط واحذية واكسسوارت وساعات وملابس اطفال
..
..انا اول كنت اوفر طلبات من المواقع الصينية لكميات تصل احيانا الى 150 قطعه من البلايز مثلا والجاكيتات ..وتوصلني عن طريق البريد السعودي بعد تقريبا 20 الى 25 يوم على مااذكر
هاللحين اناراح اختار بضاعتي من خلال قريبي اللي هناك ..ويجيب لي كميات ابيعها عن طريق النت والبيت والمعارف ...
وافكر اجيب تقليد ماركات درجة اولى او ثانية ..
اسئلتي ربي يحفظك كالتالي...
تقليد الماركات هل له اشكالية مع الجمارك لو جبت مثلا؟؟
مثلا الشنط ابي اجيب بربري وفندي ولويس فيتون وهالشلة ..وكمان الاحذية ..
ابي اجيب كمية بحيث ان الجمارك ماتأخذ عليها رسوم ..مثل الاستخدام الشخصي زي ماذكرت
لكن لاااعلم كم اكثر كمية اقدر ادخلها بدون ماادفع رسوم جمركية كبيرة واكتفي بتكلفة الشحن مع فيدكس او من خلال البريد ...
هل تقليد الماركات فيه اشكاليه ؟؟
سمعت ان الجمارك منعت دخول الملابس وهالاغراض الا بتصريح خاص تصدير واستيراد عاد مدري ..
كم الكمية اللي اقدر ادخلها بدون دفع تكاليف الجمرك ؟؟وتعتبر شخصيه ؟
هل استطيع استيراد كريمات او زي بودرة الكولاجين ..وحبوب التبييض؟؟
آآسفه على كثرة اسئلتي بس والله بحاجتها كثيييير ...وابي ابدأ بمشروع خاص فيني ..
وسألت اكثر من تاجره بالمنتديات عن كيفية جلبها لبضاعتها ماحولك احد يخافون اسرق رزقهم سبحان الله خصوصا للماركات المقلدة هاي كواليتي وغيرها
شـكرا لك وبارك الله فيك... لك مني أجمل تحية . [/align]