المشاركة الأصلية كتبت بواسطة للأسف بلا حظ

سلام عليكم ..

اختي ..
وضحي بالظبط ايش تبين .. !
كلامك باين انه مشتته وتايهه ..

لكن باحاول افيدك بقدر مافهمت من كلامك ..
والمعذره عالقصور مقدما ..

اولا الان حاولي تكوني مخلصه بالعمل بشكل كبير جدا ..
وبيني لهم انك تقدمي مصلحه المستشفى على مصلحتك الشخصيه ..
بيني لهم انه كل شي مومشكله وانه اهم شي سمعه المستشفى وخدمه المرضى والزوار ..
سوا بتصرفاتك او بـ كلامك ( لمحي لاتقوليها صريحه ) ..

لما تتعاملي مع الزوار للمستشفى تعاملي بـ ذوق عالي وبـ ابتسامه واتقبلي اي شي يجي من الزائر ..
وخلي المسئولين يلاحظوا هالشي .. يعني سوي هالاشياء امام المسئولين .. لكن سوي انك موشايفتهم ..

واهم شي حاولي تتدخلين معهد انجليزي تقوين اللغه عندك .. حتى لو حياخذ منك وقت كثير ..
وحاولي يكون معهد معتمده شهادته وقويه .. وبيني للمسئولين ايضا انك مجتهده وعندك هدف لتطوير اللغه ..
وحاولي حتى تبيني للاخصائيه هذا الشي يعني مثلا وانتم تتكلموا ( بوسط الكلام ) ..
قولي لها امس سجلت بمعهد لغه .. وان شاء الله ناويه اطور نفسي ,
والايام اللي بعدها بوقت فراغ او بجلسه معاها او بـ بريك قولي لها انه اخذتو كذا وكذا ..
وعندكم تست ( اختبار ) قريب وانو تحسي مستواكي متطور .. وانك متشجعه لخدمه المستشفى ..
وحاولي تساليها بـ اي شي موفاهمته واي حاجه تحسيها غلط قولي لها .. بـ اي مجال ..
يعني بيني لها انك تبحثي عن اصح شي بـ كل شي .. سوا للمستشفى او لـ نفسك ..

هذا الشي راح ينتج عنه ردهـ فعل للاخصائيه مع المسئولين وتوصيهم عليكي ..
وممكن تقترحك مكانها ..

معنى كلامي واختصارهـ ..
حاولي تلفتي نظر اداره المستشفى والمسئولين لك .. سواء بالتصرفات او بالكلام او بالافكار او بالاقتراحات ..
شوفي الشي الناقص فيك وكمليه .. شوفي الشي اللي غير موجود فيك ومهم .. وخليه موجود فيك ..
شوفي الاشياء الناقصه في المستشفى واقترحي اقتراحات مناسبه لتطويرهـا او تغير وضعها للافضل ..

حاولي تكون اقتراحاتك شامله كل جهه من المستشفى ..
يعني اي شي تحسيه بيفيد المستشفى روحي قولي للمسئول ..
عندي راي وحابه اقولك هو لو فيه فايده للمستشفى ابدا بتنفيذه من بكره ..

ابدا مصلحه الصرح على مصلحتك الشخصيه شي راح يحسب لك ويكون ملفت ..
وطموحك لتطوير نفسك باللغه ودخولك معاهد معتمده .. شي راح يكون في صالحك ..

اتمنى لك التوفيق من كل قلبي ..
وان شاء الله تتيسر امورك وتتسهل ..

داعوتك لي بـ تحقيق طموحي : ) ,
ودعواتي القلبيه انه تكوني بـ احدى المناصب في المستشفى وتحققي كل شي تبغيه ..

ربي يسعدك ..
دمتـِ بود