المشاركة الأصلية كتبت بواسطة آخر حل

اليوم دخلت على مدير الشركة .. وبلغته اني خلال اسبوعين ماشي .. وان ربي رزقني بوظيفة حكومية .. وقلتله جزاك الله خير كنت مرتاح معاكم وكنتم تعاملوني معامله طيبه .. وانتم من افضل الشركات الي اشتغلت فيها ..

المدير انصدم بالخبر .. لكن هذا رزق .. والحمدلله على كل حال ..

الحمدلله خدمتهم بكل ما استطيعه .. سنه و 4 شهور .. وعلى كلام جميع العمال وجميع المهندسين والمحاسبين .. إني افضل سعودي اشتغل معاهم في الشركة .. الكلام هذا بينهم وجاني واحد قالي انهم كلهم يشهدولي بالشي هذا

الحمدلله يارب ..

الان انتظر اتصال الديوان بكل حماس ..

الاخوان الي كنت اقولهم اني كنت ادور موقف للسياره

الان بداوم في الديوان بدون السياره .. لان السياره صارلي حادث بسيط فيها .. البيبان الي على جنبي (بيبان السائق) جاتها دقه ..

وبكرة ان شاء الله بدخل السياره للوكالة وبيغيرو البيبان .. بيبان جديده .. على حساب التأمين

السيارة بتقعد عندهم اسبوعين .. يعني بداوم اسبوعين بدون السيارة .. والحمدلله على كل حال

صحيح ان الديوان قريب مني .. لكن بصرف يوميا 20 ريال ليموزين .. 10 رايح و 10 جاي ..

الحمدلله على كل حال .. الحمدلله يارب ..

اصحاب المرتبه السادسه .. يارب ان شاء الله كلكم مقبولين .. لان اظن وصلنا مرحلة صعبه وان شاء الله مايكون فيها مفاضله