لكن....
لكن....
لكن الواقع يختلف عن المعلومات ... والواقع وخاصة الاجانب قصة اخرى
والواقع وتجار التمور .. ايضا قصة اخرى
والواقع وكذب الناس قصة اخرى...
لا ادري كيف ابدأ ... لكن انا بدأت باسم الله الرحمن الرحيم بعد رمضان الماضي مباشرة
اشتريت من واحد 7 كراتين في الشرقية .. بعد متابعة معه طويلة .. وباع لي باكثر من سعر السوق
استغل جهلي وعدم معرفتي ..
وبعدها كنت على اتفاق مع صاحب مزرعة في المنطقة الشرقية .. وباع لي المن ب 600 ريال
وظننت انه مجنون ... كيف يبيع بهذا السعر الرخيص.................
ولا اظلم صاحب المزرعة لانه هو بعد شكله مايعرف لانه يبيع تمره للتجارة ولا يعرف مصانع ولا شي...وقام بخدمة لي الله يجزاه خير
وان كان يعرف .... فالله يسامحه لانه اكرمنا وعزمنا في مزرعته وجاب غداء من المطعم وكلف على حالة ..وشكله ذاك اليوم ماهو نايم .......وازعجته كثير بالاسئلة
الله يذكره بالخير..
المهم من مصنع وتعبئة وواسطات للتخفيض واسعار ... ومن ثم الانتظار والاتصالات والمتابعة
من مدينة اخرى .. وكل مرة يقول لي زاد السعر .. المهم اشتريت من صاحب المزرعة مايقارب
165 كرتون الكرتون فيه 8 حبات من كيلوواحد ... اخلاص الاحساء
اولا التمر طلع فيه تراب ..... تراب في فم العدو ان شاء الله......
وانا حسبت ان المصنع راح ينظف التراب .. طبعا عرفت بعدين....
وبعد متابعات مع صاحب المزرعة ... بالجوال لاني موظف وصاحب المزرعة ايضا موظف
ويقوم بتوصية العمال للنقل (بنقاليه) والله وما قالت...
وايضا هذا له قيمة التحميل والتنزيل ... الى ان طلع من المصنع .....
ويتصل علي ويقول.... تعال شيل تمرك.....
المهم .. ارسل البضاعة مع سائق من معارفه .. بسعر وقدره....
ومن ثم البحث عن عمال للتنزيل من (الشاحنة الصغيرة) الى داخل المنزل لاني ماعندي مستودع
ولا اعرف وين اصرفها..................ماشاء الله علي خطير .... جايب 165 كرتون ولا فكرت وين اوديها........................المهم ماعلينا.....................

وصلت البضاعة بسلالالالالالالالالالالام ....
طيب تورطنا الان .... انا موظف ... وماسكه معي من سنتين الا اشتري تمر......ومسوي فيها
شاطر ........وطلبتها من المزرعة نفسها .............قلت اكيد يطلع لي برخيص
المهم الان الكرتون طلع علي مع تعبئة وتنظيف ...(تراب)...
وتحميل وتنزيل الخ.... وكنت اتوقع ابيع الكرتون ب 70 ريال هذا والسوق ميت
والان ب50 ريال ماحد راضي يشتري
فعلا ..كنت احاول اتصل عليك ... لكن اصبت باحباط شديد............لكني سأستمر
طبعا ماربحت شيء لاني اعطيتها واحد وارسلتها له يصرفها لي والى الان ماجابت سعر
لاحول ولا قوة الا بالله
عموما ..انا فرحان جدا بتجربتي هذي صحيح يمكن الخسارة الف وخمسمائة 1500 ريا ل او اكثر قليلا لكن فرحاااااااااااااااااااان جدا لاني ابو التجارب .. ولا فيه مشروع الا ودخلته واطلع منه بخسارة والحمد لله... وانا فرحان ... ليش يالطيب فرحان.........؟؟؟؟؟؟؟؟!!!!
لاني اكتسبت خبرات كثيرة ..... جدا........... بس المشكلة الاجانب اللللله يلعن وينعل ابو هم ..اسف على الكلمة من القهر ...........لانهم هم اللي متضامنين مع التجار الكبار بانزال الاسعار
للحضيض ... نفس طريقة الاسهم ...
ولكن سأستمر بهذه الشغلة لان خسارتها مش كثيرة ... يعني صحيح خسرت لكن انا ماعتبرها خسارة نص راس المال او كله .... بل جزء واكثره لجهلي ببعض الامور
وكان بامكاني شراء تمر جاهز.... وحطى لو يطلع ربح قليل .......لكني طمعت بربح اكبر
والحمد لله على كل حال
المهم ابغاك تساعدني .... ولا تقول لي اصرفها على المحلات او ابسط عند المساجد...
عندي عشرين كرتون فقط باقية........وانا اشوف انها بدأت تنقص .........ليش
لاني قاعد اكل منها ..........صحة وعافية............
راح تخلص ... ولا بعتها ................
الان......
الان.........
ايش رايك بتجربة جديدة ..استفيد منك فيها .......................؟؟
ايش رايك بحراج التمور.................داري بروح هناك والاقي وجيه البنقالية مالية السوق
كنهم عتاوية الفريج...........(قطاوة جايعة ) وطالعك بعيونها ....
الحراج..........يعني شلون طريقته واوقاته وهل فيه احتكار ...لان الشغلة صارت تضييق على السعوديين بشكل مخيف............
سوق الخضار نفس الشي.............لكن حراج التمور ...كيف وضعه؟؟؟
انا حتى لو اربح بالمئة كرتون صافي بعد الدلالة من (الدلال).........800 ريال نعمة وبركة
لان وقتي مايسمح ..
احتاج توجيه قوي للموضوع هذا .....
شكرا