اهلا وسهلاً اخت ام قمرين..
اخوك في الله احد الذين استفادوا من صندوق المئويه..
طبعاً انا الآن فاتح مشروعي لي تقريباً سبعة أشهر..
استغرقت من الوقت منذ التقديم الأولي إلى بدء استلام الدفع حوالي السنه مع الواسطه ههههههههههه..!!
اخذت تقريباً من التقديم الأولي إلى عمل دراسة الجدوى والإنتهاء منها والمقابه الشخصيه والموافقه النهائيه تقريباً من شهرين إلى ثلاث اشهر وباقي السنه حوالي العشر اشهر او اقل (تجهيز العقد) هههههاي شر البليه مايضحك..!!
تخيلي تجهيز العقد إلي هوتقريباً ماني متذكر بالضبط بس كان حوالي خمس ورقات مادري الطابعه كانت مختربه ولا وشو مادري بالضبط.. 
المهم بعد مايأست منهم من اسبوع في الثاني عشر شهور اتصل عليهم يقولون انت في مرحلة تجهيز العقد جاني حساسيه من هالكلمه..
صدفه تعرفت على شخص قال انه يعرف احد المسؤولين بالمئويه كلمه لي وكان ذاك اليوم ثلاثاء حوالي الساعه 1.30 بعد الظهر حلو..!!
حلو قالي تعال بكره الساعه ثمانيه وقع العقد انا فرحت بالطبع ولكن انقهرت زياده لأنه عشر شهور وهم من اسبوع في الثاني وفي النهايه مكالمة تلفون تنهي الموضوع في ثواني حراااااااااام وربي....
انا انلطعت عشر شهور وربي يسر لي من فوق وغيري يمكن يجلس سنه واثنين وفي النهايه مايطلع بشي..
الموووهم ان هذي تجربتي ويعلم الله اني قلتها بصدق وبحلوها ومرها عشان تستفيدين انتي وغيرك من الإخوان في هذا المنتدى الي افاد الكثير والله يجزى القائمين عليه خير الجزاء..
وانا ماحبطك بكلامي هذا لا والله العمل الحر فيه خير كثير وانا انصحك به وبشده بس لازم تكونين حذره لأنها فيها الربح وفيها الخساره ولازم طالما انك حتشتغلين تجربين هذا وهذا..
توكلي على الله وطالما عندك مصدر تمويل غير المئويه من الأقارب فأنا انصحك به لأنه اولاً حيكون اسهلك من مرمطة المئويه وغير كذا حتسلمين من الرسوم الإداريه الي هي 15 الف إذا الدعم اقل من المية الف و30 الف لو فوق المية الف..
على فكره انا اول مره اعرف منك ان المئويه صار له المشاكل هذي كلها وترى بنك التسليف تخلى عنهم لأن الناس مابتسدد والشي هذا انا شفته بعيني..
الله يوفقك ويوفق الجميع لما فيه الخير والصلاح..