اقتباس:
المشاركة الأصلية كتبت بواسطة متى أحصلها
بسم الله الرحمن الرحيم
هذي قصتي مع سيول جده ورحلة الخطوط
طبعاً أنا حجزت على يوم الأربعاء الساعه 8:45 من جده إلى الرياض
المهم صباح الأربعاء روحت لدوامي على طريق الأندلس
وصلت الساعه 11 وجاك المطر وكل شوي يشتد المطر
الساعه 11 ونصف جاك المدير حقنا ويقول لايبقى ولا واحد
كلنا خرجنا من الشركة المهم مشيت وكنت أبي أطلع لكبري الميناء
وقبل لاأوصل له يوجد هناك مشروع تسويه البلديه
وحصلت عند المشروع العالم واقفين
والله من الساعه 12 حتى الساعه 4 العصر والمطر يصب
يصب 5 دقائق ويوقف 5 دقائق والساعه 4 وقف المطر
المهم أنطفت علي السياره وحالتي حاله حاولت أشوف لي حل ولا فائده
روحت محطه يمكن كيلو مشي وأنا أمشي داخل مويه
روحت المحطه علشان أجيب بنزين في علبه قلت يمكن السيارة مافيها بنزين
بعدين طلع الخراب من السياره نفسها مو من البنزين
الساعه 6 أتصلت على خوي قلت بأجيك شقتك قال الله يحيك
واروح مشي يمكن أخذت ساعه مشي نصف كيلو
بعض الطرق فيها مويه وبعضها مافيها شيء
إذا مشيت من الطريق اللي فيه مويه توصل أحياناً إلى نصف بطني
وصلت شقت خوي الساعه 7
وتعشيت وجلست معاه ونمت إلى الظهر يوم الخميس
والساعه 12 الخميس روحت بيتنا بسيارة تاكسي وبالصعوبه وصلت البيت
طبعاً الرحله راحت علي
وأنا في تعب غير طبيعي
والله ياعالم إني نسيت الوظيفه راحت من بالي
لأن يوم أنطفت علي السياره الساعه 4 أشوف السيل جاي من كبري الملك عبدالله
بس خوي والله ماقصر ساعدني
والساعه 10 الخميس الليل روحت المطار وحصلت رحله إنتظار والحين أنا في الرياض الحمد لله
لاكن في الأخير ماأقول: إلا حسبي الله ونعم الوكيل على من كان السبب
وصلى الله على سيدنا محمد عليه أفضل الصلاة والتسليم
أخوكم: متى أحصلها. |
الحمد لله على سلامتك يالغلا
أهم شيء سلامتك والله يعوضك خيرا كثيرا
بالنسبة للرحلة لا تشيل هم
سمعت بالأخبار أن التذاكر ثابتة ولكم الأولوية في حجز رحلة جديدة
بس خلاص دامك وصلت الرياض فالله يوفقك ويسر أمورك