جيت الطبيب وقلت انا انسان مرضان ***وفحص علي وقال قرحه وقالون
وجاب الحبوب اصناف واشكال والوان *** قال اخذ هاذي قلت ماني بمجنون
قلت انت تلعب قلت ماني بسكران *** اكل حبوب جبتها ملي كرتون
وروحت من عنده معصب وزعلان ***وجيت المطوع قال اخذ زيت زيتون
قلت السبب قال انت بالحيل تعبان *** عندك قلق ومصارعه جن وعيون
قلت الله اكبر يا مطوع سليمان ***ياللي تبيع الزيت والناس يشرون
يمديك من بيعه مطنطخ وفسقان*** ويمدي رصيدك فوق عشرين مليون
قال انت صاحي قلت صاحي يا وجعان *** انت وطبيبك كل ابوكم تهلسون
انا بليه من هوى خدر الاعيان *** اشحن غلاها وخاطري منه مفتون
اتلا العهد به يوم روح مسيان *** عصريه الجمعه على جيب صالون
جيته موقف عند كبري بنبان *** في جيبهم تهريب علبه دركسون
وعطيتهم جيك من الزيت مليان * **قالو نبي نعطيك رقم التلفون
وفطن لي السواق والعلم نيشان *** قال امش قلت ابنتظر لين تمشون
وتابعتهم والجيب مسرع وعجلان *** اذنهم فحدا المحطات يقفون
وعلى مغيب الشمس مع وقت الاذان *** قلت انهم حول ام سدره يصلون
وسريت معهم لين وازني ابان *** ولفيت انا البتره وعيو يلفون
واخذت رقم الجيب ابي منه عقلان *** وروابع المشتاق من دون في دون


من جوالي
ومن العايدين بعد الزحمه