اقتباس:
المشاركة الأصلية كتبت بواسطة الوسمي الدوسري
السلام عليكم ورحمة وبركاته
كيفك نوبليس انشاء الله بخير
نوبليس انا معي شهادة حاسب ستة شهور ومعي رخصه عمومي
اهم راح يحطوني على طول سواق اوكاتب
واش الافضل من ذاي الاقسام
مكاتب - اتصالات إدارية - طوارئ - متفجرات - سواقين - تصاريح - مرور
مكاتب : معروف عمله
اتصالات اداريه :وش طريقة عملهم وهل طريقة عملهم استلمت اوداوم يومي
طورائ : وش طريقة عملهم وهل هو استلمت او داوم يومي
متفجرات : وش طريقة علمهم وهل هو استلمت او داوم يومي
سواقين :وش طريقة عملهم وهل هو استلمت او داوم يومي
التصاريح : وش طريقة عملهم وهل هو استلمت او داوم يومي
المرور : وش طريقة علمهم وهل هو استلمت او داوم يومي
وش الافضل من ذاي تخصات الله يعطيك العافيه
واسف على الاطاله
|
وعليكم السلام ورحمة الله وبركاته
أولا به تخصصات غير هذه التخصصات
ثانياً من شروط الترشيح لسائق أن يمضي خمس سنوات بالخدمة
أما شهادة الحاسب الآلي للأسف ما تفيدك بجناح الشرطة الا اذا جا ترشيح لكاتب أو ناسخ
ووقتها يطلبون الشهادة ولازم من واسطة تمشي أوراقك وتحميك بنفس الوقت
ومو معناته انك مو ممكن تتعين بمكتب الكتيبة أو الجناح << ممكن وبدون واسطة وشهادة
بس يكون على شكل تكليف يعني اسمك وجدولك بالسرية بس تقوم عمل بالمكاتب وتغلق شغل
الناس تفضل عمل المكاتب << لأنك تقدر ترتب يومك
يعني من السبت للأربعاء من الصباح للظهر << والخميس والجمعة بجيبك
بس اذا تعينت بالمكاتب وصرت رسمي به جدول دوريات كل اسبوع به يوم تقوم فيه دورية
وبه ناس تفضل المرور لأن عندنا دوامهم 4 - 24 4 - 24 5 - 48 << أتمنى ما أكون نسيته
يعني يستلم اربعة ساعات ويسلم 24 وباليوم الثالث يستلم 5 ساعات ويسلم يومين
وطبعا يقوم الـ 4 أو 5 ساعات ويضرب الباب
وبه ناس تفضل السرايا اللي تستلم 24 وتسلم 48
ويستفيدون من التوكيلات خاصة اللي مناطقهم بعيدة
وما أقدر اقولك التخصص دوامه كذا وهذا دوامه كذا
لأن العدد يحكم الدوام
وقاعدة عن قاعدة تفرق
وكذلك حسب موقع العمل أو الحراسة يختلف الدوام
وسبق وقلت ان ممكن سرية وحدة تداوم أكثر من دوام حسب موقع الحراسة
تأكد انك ماراح تبقى طول حياتك بمكان واحد
لابد تتنقل هنا وهنا داخل القاعدة
ومهوب المهم وش أفضل ووين
أهم شي خويانك بالمجموعة ورقيبك وقايدك
واذا انهم كفو صدقني متى ماعرضت مهاراتك ومواهبك بيوصلونك فوق فوق
والرتب العالية يعجبهم الانسان اللي يشتغل وينجز << بس الله يعينك عليهم
تعامل معهم بحدود العمل وحط ببالك اذا ارخيت معهم راح يمصخرونك
ومهما ضحك معك لا تامنه لأن الضابط ماله صاحب
وأخيراً انتبه انتبه انتبه انهم يطلعون على أكتافك وعلى حسابك
انتبه وقول نوبليس ما قال
نسيت شغلة وهي
ان بداية تعيينك اما يكون بكتيبة الشرطة أو كتيبة الأمن
الا اذا كنت أمن مطار فتعيينك راح يكون بوحدة أمن المطار
واذا انك شفت واسطة من بدري
قبل يوزعون المستجدين يحطك هنا ولا هنا