اقتباس: المشاركة الأصلية كتبت بواسطة المترس والله من جد كلامك عين العقل صحيح المتفوق في دراسته تلقاه اغلب وقته في البيت واغلبهم ومااقول كلهم اهاليهم موفرين لهم كل شئ يعني بالعربي ماأنداس على خشمه وعرف المرجله صح ولكن الثاني مسكين ولا ابرر له كسله وتهاونه ولكن تلقاه عارف الزناوه والكفت كله لو ينحط على سبيل المثال في الدوريات خلاص ابعد عن منطقته لانه عنده خلفيه عن الشارع وش يحصل فيه والعسكريه ماتبي الا رجال محكحكة معادنها ماتبي طروش مايدري وين الله حاطه مع احترامي للطروش طبعا ، يروحون يشوفون لهم وظايف تناسب شهاداتهم العاليه مايجون يزاحمونا في العسكريه احنا مساكين ظروفنا ماخلتنا نكمل الجامعه زيهم والا حتى نجيب نسب مرتفعه لأننا ندرس في مدارس حكوميه وهم في مدارس خاصه واهليه ونعرف وش اللي يحصل في المدارس الخاصه والاهليه فماهو ذنبنا أن ضروفنا صعبه ترمونا فالشارع احنا بعد شباب سعوديين ونحب نخدم ديننا ووطنا ومليكنا واهالينا ونشيل انفسنا فما هو معقوله تضيقوا علينا الخناق واطالبونا أن نكون مستقيمين ومرتاحين ونحب وطنا اللي والله ماغنمنا من وطنا الا بطايق الاحوال وغرمنا المخالفات وتجديد الاستماره والتأمين فامنفين نجيب اسألكم بالله مافيه الا طريق واحد معروف للعاطل المحروم من خير بلده وعزه وهو طريق الحرام وتطلعون عاد الصور في الجرايد تم القبض وتم القبض واحنا عاطلين على الحديده كنتم بتصرفون لنا الاعانه حقت العاطلين وجاء واحد ابن كلب ونكبها حتى الف ريال حارمينا منه وهو في مصلحتكم لأن احنا بناخذه من هنا ونرجع دبله لكم عن طريق المخالفات وتجديد الرخصة والاستماره والتأمين ، فارحمونا وضفونا من هالشوارع الا ترون ماحنا بعيدين عن تونس ومصر واعذروني طولت عليكم لكنها زفر في القلب وطلعت اهـ هـ هـ هـ هـ هـ هـ هـ هـ هـ هـ هـ هـ هـ هـ هـ هـ هـ هـ .......الخ. يارجاااااال عبر مثل ماتبي ومابه طوااله يخووك انا مانزلت الموضوع الا ابيكم تنزلووون مافي كبووودكم
