بسم الله الرحمن الرحيم
أشكرك أخوي متسسب على طرح الفكرة الجميلة جداً والمفيدة لنا كعاطلين وعاطلات
بمبلغ بسيط وأنت مرتاح وشوي شوي الواحد يطلع ويقدر يوقف الحاله بإذن الله تعالى
حبيت أقول فيه أفكار من أخواني وأخواتي حلوه وأشوف أنها راح تفيد الجميع بوقت قصير مثل فتح محل مغاسل ملابس وإذا بغينا نفتح أكثر من عدة محلات راح نقدر نسوي مؤسسة وكذالك محلات تغيير الزيوت فيها فائدة كبيرة جدا ومافيها خسارة أبد إن شاء الله بحكم أحتكاكي مع الأجانب كبير ودايم أسألهم ويقولون عندكم الذهب والتراب عندكم فيه فلوس بس أنتم نايمين وتخافون لانه معروف أي واحد بيسوي مشروع لحاله قابل للربح والخسارة وخسارتة قوية عليه لاقدر الله وكذالك فكرة أختي لغة القرآن حلوه جداً مثل فتح بوفيه أو كفتريا بمجمع تعليمي كجامعة او بالقرب من كليات وهكذا بس نبي شخص يبحث لنا عن مواقع ممتازة وأستراتيجية نقدر نقيم فيها المشاريع. وللمعلومية مانبي نفتح محل أو محلين وبس نقدر نفتح عدة محلات ولازم مانستعجل على النتيجة يبيلها صبر على الأقل قول لو بعد سنة حقك محفوظ وتخيل انك دافع الف ومائة على كلام أخوي متسبب مو ضارك شي بتصبر وتلقى النتيجة بإذن الله تفيدك طول العمر ومردودها شهري قول لا يقل عن الفين اوثلاثة وهكذا بس لازم درسة للمشروع وكم عدد الأشخاص الى ممكن ينضمون ويسوى لها تخطيط.. أعرف شخص مرة من المرات جلس معي ويحلف بالله يقول واحد من ربعه كان منتف مايلقى الريال لدرجة انه يحط بطاقتة عند راعي محطه بنزين على شان يعبي له وبعد فترة يعطيه الفلوس المهم الرجال تحرك وأشتغل يكد بسيارة مستأجرها بعد خصوصي بالمطار عندنا في الرياض شوي شوي يقول فتح له مغسلة ملابس ومرة يشتغل بالسيارة ومرة يشرف على المحل المهم الرجال ما أكتفى وجلس قال خلاص محل ومكفيني جمع له رأس مال ثاني وفتح محل ثاني مغسلة ملابس يقول والله الذي لا إله إلا هو الحين عنده 15 أو 16 والله ناسي المهم دخله الشهري بحدود 37500 ريال صافي ماله شغل بالأيجار والمواد على العمال عليه انه يأخذ أخر الشهر المبلغ من كل محل 2500 والباقي للعامل شوفو ماشاء الله.. والعذر والسموحه كان طولت ...