مشكوره اختي على الموضوع بس بقولك مو كل شي على لام ولاب هذا يعتمد ويرجع على الولد نفسه او البنت نفسها
يعني لاب ولام يربون عيالهم صح على اللي طلعوا عليه وكلهم يبون عيالهم يكونون احسن الناس
كل اب وام بهالدنيا مايبي بنته او اخته وزوجته تكون فرجا للناس بعبايتها او اي شي ثاني ولابعد
ودهم يكون ولدهم على قولتهم مو برجال يعني انا من وجهة نظري هذا راجع للبنت وللولد
انا اقولك في وحده اهلها ناس مدينين وملتزمين البنت ماتلبس نقاب عادي لا تلبس نقاب ابو شبك
مدري لو تعرفونه يعني فتحت النقاب عليها شبك المهم والعبايه والقفاز ولاغاني ممنوع والمسلسلات بعد
محد يتفرج عليها ومع هذا بنتهم لاراحت للسوق تغازل وهي لابسه نقاب ابو شبك
واهلها مربينها زين بس البلا والخلل من مين من البنت نفسها
وزي ماقلتي حنا عندنا عادة التقليد الولد يقلد اخوياه والبنت تقلد صديقتها
يعني والله ماله شغل بتربيه في ناس اهلهم ماعندك احد وتلقى الولد او البنت ماشيين عدل
وتلقى لاهل ملتزمين والعيال رايحين فيها خاصة الحين عندهم كل وسائل الترفيه
ومشكوره اختي على الموضوع بصراحه كلمة رائع قليله بحقه