الهم ضيق خاطري ولاجداي الا الغنا**
حتى الغنا لك الله انه يزيد ضيقي والحزن**اللي تعنا واجتهد يبغى الجنا وين الجنا**خمسة غروس اسقيتها بيد ولكن ماثمرن**ما غير اناظرها عسى تثمر وتجلب لي الهنا**تعبت عيوني وابطت غروسي وانا بشكي لمن**ياموطني ويالموطن اللي ماعرف مجدك فنا**خيرك وصل اقصى البلاد العالميه والمدن**ياموطني انا هنا انا هنا انا هنا**شبحك لما بعد الحظن ينسيك من وسط الحظن**ياموطني ظلم علي الوقت وأتحرا السنا**ويروح من عمري زمن ويزيد في عمري زمن**ابغى ارضي الشيبان وارضي خاطري بشوف الظنا**لكن ماباليد حيله آآآه ياشين الغبن**طقيت باب الرزق لكن مافتح والله لنا**كنه يقول:السير يافهمان لازم يندهن**طقيت باب الرزق لكن مافتح والله لنا**كنه يقول:افلح وجب لك واسطه ولا استكن**قلت اشهد ان لي واسطه والواسطه يابو جنا**حب الوطن والروح في حب الوطن تدفع ثمن**افديه وآقف درع قدام الهنادي والقنا**ولو تركني فالمحن فلا تركته فالمحن**فقير ماشفت الغنا وماني من عيال الغنا**لكن اذا ناد الوطن اتسلف ريال الكفن**اثور من دونه وانا سعودي وانا طيب جنا**من هو يشكك في ولائي فالسريره والعلن**ياموطني هذا عتاب احباب جعل اللي شنا**يلقى البليه والمصيبه والمهونه والوهن**خمس اسنوات عشتها عاطل ولاهو بس انا**كم فيه من عاطل بوسط الوقت همش واندفن**نلت الشهاده والفرح برقه سبق رعد العنا**هذي الشهاده ياوطن وين الوظيفه ياوطن؟؟؟