مين اللي قال الجامعيين ما يتوظفون .

والله العظيم إن كل اللي أعرفهم بيتوظفوا بنفس السنة زملاي متوظفين أقل واحد راتبه 8000 ومتوظف بعد التخرج على طول .

أما اللي يجيب معدل ضعيف ويجي يقول مافي وظائف للجامعيين فهذا فاشل ويبي الناس زيه .

أنا أتحدى أي شخص معانا في الممنتدي معدله جيدجداً في الجامعة وهو عاااطل .

اللي يكتب جامعي عاطل خله يقولك كم معدله ورب الكعبة إنه مايستاهل حتى إسم جامعي ما أخذ الشهادة إلا بالشحذة وتقبيل أيدي الدكاترة .

إذا أنت بتدرس في الجامعة زي الناس فوالله ماراح تندم أما إذا بتفلها وتدشر وتغيب فبتكون الوظيفة صعبة بعد التخرج .

أنا أنصحك تحاول تقنع أبوك بالتي هي أحسن وتسجل في الجامعة وتكمل دراستك ولا تضيع نفسك في شركة باكر بتنشوف زملاك تخرجوا وتوظفوا وأنت راتبك 3000 ريال بسبب تعنت أبوك .

إذا ما إقتنع قله ماني متوظف ولا طالع من البيت يا دراسة يا برقد وأصرف علي إنت .

قله عندي مكافئة بصرف أنا على نفسي حتى لو أضطررت تسكن في سكن الجامعة وما ترجع البيت .

ترى الشهادة لها فترة صلاحية محددة بعدها ماراح تنقبل لا في جامعة ولا في تقنية .

أتمنى لك التوفيق .