[align=center]
الطلبات اللازمة لدورة الفرد الاساسي

1-بدلة ميدان مموه عدد(2)+قبعة ميدان+ لوحة اسم قماش على البدلة
2- بسطار ميدان عدد(2)
3-منشفة كبيرة لون ازرفق عدد(2) +عدد(6)ملابس داخلية
4-عدد(6)شراب اسود
5-عدد(4)صور شخصية مقاس (4*6)رسمي بالبدلة بعد الحلاقة
6-بطاقة الاحوال+عدد(2)صور مكبرة للبطاقة
7-عدد(2)بدله رياضة زرقاء نص كم مع عدد (2)جزمة رياضية مع عدد(6)شراب ابيض
8-أدوات الحلاقة كاملة مع مقص صغير+معجون اسنان مع الفرشة+شامبو+صابون (تايد)+ابرة خياطة مع مكرة زيتي
9-مطاط في حالة ان يكون بنطلون البدلة دون مطاط سفلي
10- الحلاقة على الصفر
11-عدم اصطحاب الهاتف الجوال
12-فتح حساب في احد البنوك

هذه طلبات الدورة << لا يا شيخ

أقولكم وش تاخذون ووش تتركون

بدلة + كاب + بسطار + لوحة اسم ولوحة القوات << هذه لا تاخذونها معكم

أولاً حتى لا تخسر نفسك تفصيل البدلة تقريباً من 250 - 300 طبعاً أتكلم عن القماش الأمريكي

ولا به أقمشة أبو كلب مثل ما يقولون

وثانياً المركز راح يصرف لكم أبدال وكل شي قبل ما تتخرجون من فترة الاستجداد الـ 45 الأولى << الحجز

الشي الثالث والمهم انك ماراح تلبسها ولا تستفيد منها الا من الـ 45 الثانية << ليه تاخذها وتثفل على نفسك وتقعد خايف عليها تنسرق

المنشفة خذ وحدة كبيرة زرقا لا تاخذ ثنتين

والملابس الداخلية مكتوب 6 لكن خذ 10 - 15 << وخذ معك تايد ثلاث أو أربع أبو ريال وان نقص خذ من خوياك بالدورة

الشراريب مكتوب 6 لكن خذ 10 - 12 - 16<< به نوعية ثلاث بعشرة أو أربع بعشرة << خذ منها بس انتبه لازم يكون قماش متين

حتى لا تتقطع عليك بالدورة وتبلش

وخذ لون أسود أما الأبيض لا تاخذ

الصورة بالبدلة ما تحتاجها << يعني لا تعني نفسك وتفصل بدلة الحين حتى تتصور

متى ما فصلت مع الـ 45 الثانية تصور وعطهم الصورة

بطاقة الأحوال خذها معك مع صورة لها وقرار المباشرة بالمركز

أدوات الحلاقة ومقص وابرة وخيط ووووو << هذه يسمونها أدوات تفتيش أو عهدة تفتيش << ناسي المسمى

المهم لا تجيبها ماراح تحتاجها الا مع الـ 45 الثانية ويصير تحطها على سريرك كل يوم أربعاء << وراح ينبهونكم عليها

أما بداية الدورة لا تاخذ معك الا مقص وأمواس حلاقة << احسب لكل اسبوع واحد وانت بتنحجز 45 يوم تقريبا

وقصاصة أظافر ( قطاطة ) ولو بتجيب ماكينة حلاقة أفضل بس انتبه تنسرق

وخذ معجون وفرشاة أسنان

البدلة الزرقا مكتوب اثنين << انت جيب وحدة لأنك ماراح تستفيد منها الا أول اسبوع

بعد كذا تشتري لبس رياضة حسب لون سريتك << الكل راح يكون بنطلون أسود

بس الفنايل تختلف أحمر أو أخضر أو أصفر

يعني انت اختصر على نفسك وخذ معك بنطلون لون أسود << اثنين تكفي

ويصير تشتري الكاب والفانيله من المركز

ولا تنسى تاخذ معك مشبك مجموعة عشان تقفل به الجيب بعد ما تحط دراهمك محفظتك بطاقتك اللي يكون

الجزم خذ ثنتين لون أبيض نوعية طيبة << لأنها راح تتقطع لو أخذت رخيصة وتعبانة

وبالمركز راح تجي سيارة تبيع اللي تبي بس انت اختصر على نفسك وخذ نوعية طيبة من البداية << وحرص عليها من السرقة

الحساب ما الحساب بيجيكم مندوب كل بنك واختار البنك اللي تبي << مع انه مامنهم فايدة

والحلاقة طبعاً صفر والدقن يا تتركه ولا تملطه

خذو معكم بودرة أطفال عشان ريحة البسطار والجزم << وبه ناس تستخدم ( شبة )

مزيل عرق لابد منه وعطر وصابون جسم وشامبو

العلاجات متى ماحسيتو بتعب ولا شي روحوا المستشفى ولا خذوا من خويانكم

أكثر شي راح يكون متوفر الفلوتاب والفيفادول والمضاد الحيوي اوجمانتين 600

خذوا فكس << تراه زين واللي بياخذ موف ولا فولتارين هم بعد طيب


ولي رجعة الدراهم وكم تاخذون وأشوف ان نسيت شي
[/align]