اقتباس:
المشاركة الأصلية كتبت بواسطة وجع الزمن
السلام عليكم ورحمة الله وبركاته
ان شاء الله يا رب الكل مقبول نهائي ويارب انك تجمعنا مع اخوياء طيبين وزاحفين يا رب هع
نوبلس حبيبي ما عليك ااامر بغيت اسئلكـ //
السياره اخذها معايه يعني الاحسن اخذها معايه ولا اخليها واجي بلمزين
ثاني شيء انا سمعت واحد يقول خذ معاكـ قفل للشنطه انت وش رايكـ
ثالث شي والاهم كيف النفسيه في الخمس وربعين يوم
وسلامتكـ والمعذره على الاطاله |
وعليكم السلام ورحمة الله وبركاته
السيارة اذا أخذتها بإذن الله ماعليها خوف أهم شي افصل البطارية ولا توجها للشمس
ولو تغطيها أزين والشي الاخير انتبه لوقفة السيارة عشان الكفرات
لكن الأفضل من وجهة نظري ان فترة الحجز ما تجيب سيارتك
وتعال تاكسي ولا مع خوياك بالدورة
أما بعد كذا لازم وضروري تجيبها معك لأنك بتطلع كل اسبوع << وبتفك عمرك وتختصر على نفسك
القفل جيب معك قفل محد يمنعك
لكن اذا قصدك الشنطة محد يقدر يفتحها اذا مقفلة بقفل << راجع معلوماتك
بس خذه معك يفيدك ويقلل احتمالات السرقة
ختى تمشي معك الدورة ثلاث أشياء حطها ببالك
واحفظوها زين يا أخوان وقولوا نوبليس قال
الصلاة مافيها كلام بتصلي الفروض الخمس كلها بالمسجد لكن أكثروا من الاستغفار << هذا واحد
الشي الثاني اختاروا من تماشون << نصيحة أخوية >> وابعدوا عن المرجفين اللي ماهمهم غير التحطيم
الشي الثالث والأخير بتسمعوووووووووووووووون اشاعات بالكيلو وبتغرفون منها بالكريكات
لا تلتفتون للاشاعات ولا تصدق شي الا اذا شفت بعينك
واذا قالوا خروج لا تصدق الا اذا صرت فوق كوبري القاعدة
هذه الثلاثة أشياء تعينك بإذن الله
وخذوا الدورة سهالات كنكم كاشتين بالبر بس اللهم به قيود