الخطوط الجويه السعوديه .. الاداره الاقليميه في حي المروج

قدمت عليهم كانوا معلنين عن وظائف فني صيانه ومضيف جوي للثانويه العامه ..

وبعد ماخذوا الشهادات وعبينا النموذج المبدئي في نادي
الخطوط بمخرج 15 وجهونا لاختبار انجليزي 100 سؤال
في معهد الاداره العامه بالملز .. وللاسف شاهدت بعيني
مشرفين من الخطوط يغششون ربعهم وبعضهم قدام عيني
ياخذ القلم ويأشر على الاجابات الصحيحه كان اختبار بالعربي غشش ولعب ..
.. بعد اسبوعين راجعت الاداره
الاقليميه استفسر عن النتائج وموظف بالاستقبال قال لي
حرفياً ياخوك تراهم مختارين الاسامي من زمان
وعارفين من بيوظفون وهالاختبارات والحوسه عشان يظهرون
للاعلام اننا نوظف وندعم السعوده وللاسف
بعد شهر طلعت النتائج ولا كتب لنا ربي نصيب فيها ..
والحمدلله كانت خيره توظفت بشركه احسن منهم ومرتاح
جداً فيها ...
</B>