السـلام عـليكم و رحمـة الله و بركــاته معليش بدخل ف التفاصيل تحملونا عاد الحمدلله عـدت على خييير و الله يعطيكم العافية على الدعوات والله يوفقنا و يوفقكم للي فيه الخير ملخص للي صـار كان وقت المقابلة السـاعة 8 .. المهم اني حضضرت عندهم 8 الا شوية .. و في البداية جلسونا في كوفي جلسات كذا .. المهم كل شوي يجي واحد من حقين المقابلة و يتجمعون عند مكان زي القاعة و للأسف ! جلسنا في نفس المكان لين السـاعة 9 و نص تقريبـاً جلسة بدون شي .. ثم جو كلهم و بدأو ياخذون بالاسماء الموجودين تقريبـاً كان عددهم 20 واحد و كـانو ينادون عن اسماء مايكونون حاضرين و الحاضر يدخل عليهم على العموم في البداية كانو يطولون مع الواحد ياخذون وقـت كثير لدرجة اني كرهت الجلسـة المهم مالكم بالطويلة .. نادو اسمي بعد ماصلينا الظهر تقريباً السـاعة 1 اخذو شهادتي و صورة شخصية قبل مادخل .. و دخلت عليهم .. طبعاً حقين المقابلة مجموعتين .. هم 6 كل 3 في غرفة لوحدهم ( سعوديين و كبار ف السن شوي ) اغلبهم قد شفناهم وقت اختبار الانجليزي يعني كل واحد يدخل عند وحدة من المجموعتين المهم دخلت عليهم و كانو راجعين من الصلاة و الحمدلله كانو فايقين و مبتسمين 2 منهم والله عسـل ف الاخلاق و الابتسامه الله يوفقهم يشيخ و فيه واحد ثالث قافلة اخلاقه حبتين مدري ليش معصب مع انه ماعصب علي و لا شي بس تحسها قافلة مـعه .. اما الباقين عسـل االله يعطيهم العافيـة المهم كانت الاسـئلة على حسب ماذكر ف البداية نبيك تكلمنا عـن نفسك قولنا من انت و هذا السؤال هو النكبة عندي على العموم بعد مافحطت جاوبت ههههه .. و سؤال ثاني ليش تركت الجامعة لاني انا تركتها و وش الي خلاك تجي للخطوط و وش ببرنامجك اليومي وش تمارس من رياضة .. تعرف تلعب بلوت .. و ماتطلع مع اصحابك .. انت وش وضعك في العائلة اكبر واحد و لا وش .. هـل فيه مناسبات لقبيلتكم زواجات شي و هل تشارك فيها تفرش السفر و مدري وشو .. و القافلة اخلاقه سألني وش ردة فعلك لو مانقبلت هـنا .. و في البداية قالو ليه جيت هنا شهادتك حلوة كان يمديك تقدم في البترول او في بعثـة .. و ايضـاً سألني وش تعرف من انواع الطائرات قلت له بوينج ههه مش خط يبوي .. معك سيارة ؟ تودي اهلك للمدرسة و من هذا القبيل و صلى الله و بارك على محمد و قالو بنرد عـليك بـعد اســــبوعين برســـــــــالة على الجوال