[align=center]الشعب في حـــاله ماهيب إي حالــه
أغنــى بلــد والشعب ثلثيــــه فقـــران

صــار السعودي خادمً للعمـــــاله
راتب ثلاث الاف ماتغنـــي أنســــان

غير الاجــار وغيــر حق اتصــالــه
وغيـر الرســوم اللى على اشكال والــوان

وغيـر الهدوم وغــير حق البقـــــالـــه
وغيــر الديــون اللي من فــلان وفـــلان

وشلــون لو يمــرض حدا من عيـــالـــه
يسرق فــلوس ..او يترك انسان مرضـان

وغيــر الرســوم اللـي ماتخفض محـــالـــه
الكهربــاء والمــاء يــادانـــه ويا دان

من كثــر مايسجن ويطــلع كفــــــــالــه
اصبــح على حبوب الفقــر مدمن ادمـــان

لاتسمعــون لحكــي من زاد مالـــــــه
واللــه مافيه الا ثـــلاثين شبعــــــــان

شوفـو لشعب المملكــه وضـع يـ آلــه
مايسكت الا اللــي مافي قلبــــه إيمـــان

تونس ومصــر اسبــابها هالبطـــــالـــه
واللـي ماشـــاف أحسان مايقـــدم أحســان

حنـــا بذمتكم وختـــــم الرســــــــالــــــــه
إغنـــى بـــلد والشــعب ثلثيــــه فقـــران [/align]