اقتباس:
المشاركة الأصلية كتبت بواسطة رأس المال
السلام عليكم
حلو ان الشخص يفيد الناس بخبرة الي اكتسبها ما اقول الا الله يجزاك خير ويكثر الله من امثالك
انا طالب متخرج من الثانوية لي سنتين حاولت ادخل الجامعة لكن ما توفقت فيها 
وحسيت العمر راح وانا اطارد ورا هالكليات
والحين قررت اني افتح مشروع واحاول اكون نفسي  المهم راس مالي سيارتي وتسوى حوالي 60 الف وبحاول ابيعها واشري سيارة بـ 20 يبقالي 40 الف
وبـ 40 الف بفتح محل لكني محتار..؟! 
مكاني القصيم والي براسي بقالة او ملابس نسائية ودي بمحل اشرف عليه بنفسي لاني فاضي ماعندي شي 
وفكرة اروح لسوق المينا واتفرج على البضائع الي هناك 
ياليت تشور علي .. انتظر اجابتك..  |
وعليكم السلام ورحمة الله وبركاته
الله يحلي ايامك وجزيت بالمثل وواجب طال عمرك و انا بالخدمة للي بالمنتدى او بالي خارج المنتدى
الله بيعوضك بغيرها ان شاء الله و 40 الف رسمال حلو
يكفي بقاله جيده جداً اذا كان الاجار مناسب اما محل ملابس نسائية بيكون المحل صغير ولا تقدر تعرض فيه جميع الاصناف --- فكر وقرر واصمل و انا بالخدمة
فأذا تقدر تسافر للخارج عندي لك كذا فكره ان شاء الله تستفيد منها
وبانتظار ردك
وتقبل تحياتي