مع احترامي لك اخي الكريم .. انت مو قد تحمل مسئوليه زواج من البدايه اذا كان هادا تفكيرك
تانيا اعتقد انو فرصه تروح تتعلم ولا تخاف على نفسك يعني الصلاة والدين بكل مكان مو بالسعوديه بس يعني اللي يصلي في السعوديه راح يصلي بالقطب الشمالي واللي ما يصلي من الاساس اكيد انو مارح يصلي بغيرها
تالت حاجه من خلال سردك للقصه وكتره اخطاءك الاملائيه اعتقد والله اعلم انك ماكملت الابتدائي وهادي فرصتك تروح تتعلم عالاقل لغه <<<على فكره مابقصد اهانه بكلامي لاتزعل مجرد ملاحظات
واخيرا وليش اخراَ لو انا محل البنت من البدايه بتركك قبل لا استناك ترضى او ترفض لانو تفكيرك ماعرف كيف بتفكر كانو عايش بعصر الجاهليه مع احترامي لانو بكل صراحه احس تفكيرك بالحياة مادي بحت
تخيل بكرا تزوجتو وجبتو اولاد وباول مشكله بسيطه انو مثلا الولد يبغى حليب مخلص ومامعك فلوس تجيب حليب اعتقد اول تفكير بتفكر فيه انو تطلقها عشان ترتاح من هالطلب 
انا اعتذر عن صراحتي يمكن تكون جارحه بس وربي اكره هالعقليات اللي زي كدا
سلام