السلام عليكم ورحمة الله وبركاته

اخي الكريم مبلغ 4000 جيد بالنسبه لمبتدئ وانا راح ادلك عل خير لوجه الله
المشروع عباره عن علب البيبسي الفارغه .... (( لاتستهون بالموضوع لانه دخله حلو))

1: استأجر مستودع صغير ويكون سعره في حدود الــ 600 ريال ويكون معاك ميزان 30 كيلو وسعره 100 ريال

2: نسق مع الحجات والبنقال يجمعو لك كيس علب فارغه وتكون من الألمنيوم
مثاال (( البيبسي . الميرندا . الشاني . الديو . البايسن . الكود رد )) انتبه لازم تكون المنيوم
اشتري منهم الكيلو بــ 2 ريال

وقم بتخزينها بالمستودع الي ماتتكدس وكل نهاية شهر افرزها في دينا وتوجه لسوق الخرده في الخمره وراح تحصل هناك أحواش يشترو العلب الفارغه ... بس انتبه وخليك ذكي
يوم تروح عندهم قولهم ابي عامل من عندكم وتروح انته والعامل وتوزن الدينا طبعآ في ميزان وياخذ عل وزن 10 ريال
طبعا راح توزن الدينا بالكميه وبعدها تفرغ الكميه وترجع توزن الدينا بــ 10 ريال اخري

طيب راح تقولي ليه اوزن مرتين .... لانهم يطلعو وزن الدينا عل جنب ... وكذا انته تضمن حقك بدل ماينصبوك اصحاب المحلات .

معلومه الأحواش ماياخذوالأ600 او 700 كيلواو طن فأكثر

سعر الطن يبداء من 5500 الي 5800 ريال سعودي

أخواني اتمني من الله أن يحسن خاتمتي ويرزقني ويرزق كل شاب بالحلال الطيب

دعواتكم لي بالصحه والعافيه والتوفيق بالدنيا والأخره .