اقتباس:
المشاركة الأصلية كتبت بواسطة يارب توظفنا كلنا
السلام عليكم ورحمة الله وبركاته
كيفكم صبايا واخباركم
انا جديده اسماً بالمنتدى هنا ولكني قديمة بحثا
واخيرا قررت اكون عضوة
حابه احكي لكم عن تجربتي قبل يومين مع المدارس الأهليه وحركاتها االا منتهيه
رحت وقدمت عندهم زي اي وحده من الناس وقالوا انهم محتاجين وبما اني لا املك شهادة خبره طلبوا مني التجربه
واعطوني درس وقالوا تعالي اشرحي بكرة
وفعلا جيت بكل حماااس ومابقيت حركة او نشاط الا سويته
ولمى طلعت اسألهم بعد الحصه قالوا نحتاج نعطيكي درس ثاني بكره
وقلت امري لله و وافقت وجيت في الصباح الباكر واعطيت درس ثاني
وكمان ماردو علي اجابه واضحه " فحسيت انهم يبغون يمشون المنهج فيني
اخذتني وحده من الاداريات على جنب "تخاف ربها" وقالت انو بكرة جايه معلمة معاها خبره والمديرة تبغاها
وغمزت لي وقالت لاتقولي لاحد واذ سألوكي اش عرفك قولي سمعت
ماتنلام خايفه على رزقها
تركت رقمي وشلت أغراضي ورحت لأني ببساطة لا أرضى بالاستغلال
والله لم أتأثر ولم تهتز فيني شعرة لأني متأكده أن رزقي المكتوب لي راح أخذه من فوق خشم أطلق شنب
وانو الي جالسه اسويه هو بذل اسباب وتوكل على الله لا تواكل
وما زال البحث جاري 
رزقني الله واياكم الرزق الحلال |
أختي ولا تشيلي هم احتسبي الأجر عند الله
(قل لن يصيبنا إلا ماكتب الله لنا )