والله المفروض التجسير في كل الجامعات الحكوميه ويقبلون بأعداد المتقدمين الراغبين بكمال الدراسه مايكون فيه عدد صغير
وتسكيت للمتقدمين وحرمان لبعض المتقدمين ويمكن يكون اكثره واسطات والله اعلم

صراحه برنامج التجسير المفروض في كل الجامعات الحكوميه في كل مناطق المملكه وبدون رسوم
وش الفرق بيينا وبين الي يدسون ياخي هذ حق من حقوق اي مواطن

احنا اذا تعلمنا ودرسنا راح نخدم الاسلام والمسلمين والوطن

انا مادري ليـش هالتعقيد من وزارة التعليم العالي ...؟ نظام التجسير معروف من زمان في كل الجامعات الاجنبيه
والعربيه واحنا توه يصير عندناا ليـش طيــب؟

لا والمشكله اذا جيت تقدم كانك مقدم على وظيفـة وزير !!! منت مقدم على طلب التحاق بدراسه صراحه

لا واذا جيت تكلم بعض الموظفـين يجيني احساس اني اطلبه شيء من جيـبه والله عالم غريبــه !

اشياء غريبه تصير في جامعاتنا مادري هل هو فساد اداري ( والصراحه ما ابي اظلم الجامعات كلها بالعكـس انا ماشفت الجامعات كلها ممكن هي جامعتين والباقي اسمع من كلام حكي الناس )

الـي متـى واحنا كـذا صراحه الدوله ماقصرت صرفت الاموال على الجامعات في كل المناطق

لكن المشكله من ادارة الجامعات ومن وزارة التعليم العالـي اتمنى تراجع اوارقها الوزارة ..

مهما كان الموظف في الجامعة سوا كان مدير جامعة او كان موظف عادي او عميد او دكتور او مسؤال في الوزارة او حتى بعد موظف عادي في الوزارة يبقى معين من ولاة الامر لخدمة المواطن مو لتعقيدهم !!!!

والصراحه انا شفت مسؤال في جامعة من جامعاتنا تفتخر انه من ابناء بلدك

ان اخطت فمن نفسي ومن الشيطان

وان اصبت من الله

والله ولي التوفيق