[align=center]
بسم الله الرحمن الرحيم
السلام عليكم ورحمة الله وبركاته


هذا موضوع مفصل بخصوص استراتيجية الكشف الطبي يمركز صحي قوى الامن بالطائف

أولا تروح لهم الصباح لك من الساعه 8 ص الى 1 ظهرا
وتعطيهم أوراقك حقت الفحص ويقولك تعال بعد اسبوع تقريبا الساعه 8 ص
وتعال لابس رياضه والبطاقه معاك والشعر مو مهم اهم شي لايكون طويل للكتف


عاد انت تروح لهم فالموعد المحدد لاتروح الساعه 8 تعال 9ونص لانك بتلطع
اللجنه تتأخر

تجلس انت واللي معك في قاعة الانتظار شوي يجيكم واحد ياخذكم دفعه دفعه عالجراحه

الجراحه هذي تفصيخ اول ماتدخل على الدكتور وهو سعودي مو اجنبي تقفل الباب يقولك فصح

لاتخلي الا السناوي بعدين يحط السماعه على قلبك وعلى صدرك وعلى بطنك

بعدين يقول ابسط يدك واقبضها وبعدين يقولك فصخ السناوي انت تفصخه يقولك لف وجهك يمين

وكح ولفه يسار وكح بدون مايمسك الخصوه الله يكرمكم بعدين يقول خذ لفه على نفسك

بعدين يقول ارفع السروال ويخليك تتمشى فالغرفه وهو يطالع فيك بعدين يقولك خلاص البس واطلع

شوي ترجع لصالة الانتظار يجسكم واحد معاه اوراق الفحص حقتكم اللي سليم فالجراحه يعطيه

ورقه يعبيها واللي مو سليم يقوله انتظر اعلمك ليش منت سليم واللي يبغاله عمليه يقوله رح سو

العمليه وتعال زي فتاق مثلا ولا دوالي اذا انت سليم تعبي الورقه وتروح لعياده فيها كل شي

يقيس طولك ووزنك والللي يقيس طولك ووزنك واحد يا ناس زي العسل اذا وزنك ناقص مايقولك

خلاص يقول انتظرني برا اذا شافك حزين شوي وتبكي يمشيك ترا من جد اهرج تعاله بالكلمه

الحلوه والله يمشيك بس مايكون طولك ناقص واجد سانتي سانتيين يبلعها

بعد الطول النظر يجيك مصري مدري امريكي يغطي وحده من عيونك ويوريك عشره ارقام كبيره

يقول كم عاد انت تقوله لانها كبيره وشي تصغر وتصغر وتصغر مشيت فالنظر على الاسنان سريع

سريع بس يقولك افتح فمك يالله لائق اهم شي اسنان الواجهه بعدين الاذن والحنجره سريع سريع

لائق الا اذا فيك بلا بعدين يقولك تعال الساعه اربعه العصر عشان تحلل دم وبول الله يكرمكم واشعه

الدم والبول مايبغالها شرح يسحبون دم ويعطونك علبه تعبيها والاشعه صدر وظهر وبطن ويقولك

رح تعال بعد اسبوع خذ النتيجه

هذا والله اعلم (((( ادعولي ياشباب بالقبول النهائي دعوه من قلب )))
[/align]