المشاركة الأصلية كتبت بواسطة مكيف خربان

[align=center]السلام عليكم ورحمة الله وبركاتة[/align][align=center]


اولاً نبارك لسيدنا ومليكنا وأبينا
بمناسبة عودة الى ارض الوطن
والحمدلله على سلامة


اخواني انا لا اطيل عليكم وحبيت اعطيكم معلومات ونبذة عن

دورة الامن العام بمنطقة القصيم كوني من احد طلابها حالياً والتخرج قريب انشاء الله


الدورة مقسمة الى ثلاث اجزاء

الجزء الاول : وهي الخمسة والاربعين
الحقيقة ماهي خمسة واربعين بالظبط هي تسعة وثلاثون يوم بالتفصيل


البرنامج عبارة عن صحيان قبل صلاة الفجر بساعة الا ربع او ساعة تقريباً حسب المناوب والاستعداد لصلاة الفجر ثم النزول الى التكميل الصباحي ثم الميدان

عبارة عن ثلاث حصص تدريب كل حصة مدتها 40 دقيقة طبعاً الافطار بعد الحصة الاولى

تقريباً تنتهي كل الحصص الساعة ما بين 9.30 الى 10 صباحاً
تنصرف لسكن الى وقت اذان الظهر (الصلاة) ترجع بعد الصلاة للميز وجبة الغداء
بعدها تنصرف للسكن الى اذان العصر (الصلاة) بعدها التكميل ثم تنزل للميدان حصة مسائية لمدة 45 دقيقة
ثم تنصرف للبوفية ( البوفية فلة) ( لوزين - سفن دايز - بطاطس- جميع البساكيت - جميع المشروبات الغازية)
هذا برنامج الخمسة والاربعين ( تسعة وثلاثين يوم عشان ماتنفسون) الا الخميس والجمعة حصة واحدة فقط وهي الصباح بعد الفجر

انتهينا من الجز الاول





الجزء الثاني : وهي الدخول لتعليم (لمدة ثلاثة اشهر)

نفس البرنامج بس بدل ماهي ثلاث حصص في الصباح ( حصتين فقط) والسكن شيلة من بالك في الصباح فقط

انتهينا






الجزء الثالث والاخير التخصص


تبدا الفلة هنا الزبدة حصة بعد الفجر وبعدها التعليم الى اذان الظهر وحصة بعد العصر مشاة طبعاً وطول الوقت نوووووووم

انتهينا




يا ناس يا عالم لا تسمعون الكلام اللي يحصل قبل تدخلون الدورة والا الكلام اللي في الدورة كلها خرطي في خرطي
اللي يقول ثبوت لمدة ثلاث ساعات واللي يقول جزاء البطة ومدري ايش من هالجزوات اللي تسمعونا والله كلها نصب في نصب لا ثبوت ولا شي
اطول ثبوت ثبتناة 20 دقيقة تقريباً او اقل بعد وماهو ثبوت حقيقي كلام فاضي

صحيح انكم تبي تطفشون الايام الاولى الثلاث الايام الاولى فقط وبعدها يصير الوضع عادي جداً


اقسم باللة ان الدورة راحت ما درينا عنها




نصيحة للي عندة واسطة

اختر المدرب مطر غلاب المطيري والله ونعم الرجل صدقني تبي تنتهي الدورة مادريت عنها

او المدرب تركي مقبل المطيري

او بدر صنت الرشيدي




ملاحظة جداً هامة

المدرب لا تخلية يعرفك حاول ان تصد يمين والا يسار عشان تفلها بعد الخمسة والاربعين لانة لو عرفك في بداية الدورة مبزوط دق خشمك بالحجوزات بعد الخمسة والاربعين



لا تطيح في يد الشحيتان الله لا يرحمة ولا يوفقة لا دنيا ولا اخرة ياما وياما ظلم ناس مالها ذنت
لا تطيح في الخبل والسفية صالح الحمدان هذا بس امدحة وقل صدرك كبير والبدلة ضابطة عليك وقلة بعد الهايلكس للبيع بكم ركبت الكفرات

كمان في حصة العصر الغشام قايد الميدان في المساء تجنبة


الباقين عسل وتبي تعرفونهم زين ذولا المهمين والباقين فلة

-------------------------------------------------------------------------------------------------------
- لا تجيبون دفاتر واقلام لان مامنها فايدة في بداية الدورة فقط تستفيد منها في التخصص لدافور فقط
- جيبو ملابس داخلية فقط دبلو المطلوب عليكم يعني مطلوب 5 انتم جيبو 10 من كل نوع
-------------------------------------------------------------------------------------------------------







على فكرة 18 مدرب جاين جدد في تاريخ 1432/3/18هـ تبي تلحقون عليهم لاني مااعرفهم لان احنا الحين في بروفات تخرج والاختبارات نزولنا.. ميدان فقط للبروفة




على العموم الله يوفقكم جميعاً واصملو والله مايبي لها شي


اقولها مرة ثانية لا تسمعون كلام الناس انا قبلكم سمعت ودخت من كثر الحكي ولا صار شي نصب في نصب




على فكرة المكافئة ماتنزل الا بعد الخمسة والاربعين



وشكراً


ودعولي بالتوفيق في الدنيا والاخرة


(( سبحانك اللهم وبحمدك اشهد ان لا اله الا انت استغفرك واتوب اليك ))

[/align]