المشاركة الأصلية كتبت بواسطة مهندس الصوتيات

وعليكم السلام ورحمة الله وبركاته

الله يرحم ابوك ويغفر له ويغمد روحه الجنة ..

بارك الله فيك على عملك الطيب ولو انه نادر من بعض ناس يحبون الدنيا ويركضون خلفها ..

اللي اقوله لك بلغ الضمان عن حالتك وقل له الموضوع من اوله الى اخره ..

يا اخي برء نفسك من هذا الشيء ..

انا معاق , واعاقتي عجز مؤقت

القصه وما فيها ..

كانت معي بطاقة ضمان وكنت كل شهر استلم مبلغ منها ..

جلست معي سنتين والحين انقطعت قبل سنه .. بشهر 8 اللي فات ..

يوم انقطعت رحت للموظف اللي في الضمان على شان اجددها ..

اعطاني اوراق ومعاملات وكلام طويل ..

يوم خلصت له كل شيء شاف البرنت مكتوب فيه طالب ..

قال انت في اي مدرسة قلت له انا في الجامعة قال : معليش اللي في الجامعة مايصرف لهم لازم تكون متسبب ..

انا عصبت وزعلت وقلت انا معاق والخ .. قال لالا اذا انت في الكلية ماراح نصرف لك الكلية هي مسئولة عنك ..

قلت انا معدلي بعض الاحيان ينزل واحتمال انحرم من المكافئة قال راجعنا يوم السبت ..

وصرت كل اسبوع اراجعهم واشوف الموضوع .. وللإسف مافيه فايدة

كان بإمكاني اعدل البرنت واكتب متسبب بس قلت في نفسي وين ربي عني ؟ !

والله تركت موضوعي لله وقلت ربي هو اولى بعبده وسكت عن الموضوع ..

والى الان ما ادري وش يصير في وضعي هل راح يقبلوني ام لا ؟

موفق بإذن الله ... ولك مني أجمل تحية .