اشكرك بلاول ع التذكير
لكن لي تعليق بسيط
حنا بلدنا و الحمدلله من اغنى البلدان بالبترول و فيه خيرات مو مثل الدول الاخرى

ولو دققتي و ركزتي في تعلقيات الموجودين هنا ماكان قلتي هذا الكلام
طلباتهم بسيطه و معقوله و هم يرضون بالقليل و هذا ابسط حقوقهم
و المقارنه بينا و بين الدول الاخرى اللي ظروفها ومختلفه و اوضاعها الماديه مختلفة
يعني المقارنه غير متكافئه بينا و بينهم و فيها خطأ كبير


الناس ماطلبت الا حقها و هذا سبب ظروفها اللي اقوى منها و تجبرها تاخذ من الضمان لان لو عندهم عمل و ظروف كان من المستحيل انهم ياخذون من الضمان لكن الظروف اجبرتهم على كذا


و لما نطلب من حكومتنا و نتمنى امر منهم في هذا حق مشروع و مااظن ولاة الامر يعارضون هذا الشي و الكل يعرفه

في هالظروف اللي نعيشها غلاء و بطاله محد يجي ويلومنا لانه طلبنا حقنا
حنا ماطلبنا طلبات تعجيزيه و مبالغ بالالاف كان مستحقين الضمان يتمنون بس يوصل راتب الضمان 1000 ريال
140 ريال زيادة بنظرك طمع منهم و مبالغه في التمني منهم
او طلبهم توفير وظائف للعاطلين عن العمل طلب غير معقول ومش مقبول
او طلبهم لايجاد حل للحد من ارتفاع الاسعار ووضع اسس و ضوابط له طلب مغالى فيه

البلدان اللي فيها مجاعه و ظروف اقتصادية متدهورة ماتقارن بالمملكه العربية السعوديه
بلد النفط ومن الدول الغنية لان الظروف مختلفة تماما

و انا وحده من المستفيدين من الضمان و الله العظيم لو احصل لي عمل حتى لو 1500 ريال مااامد يدي للضمان لان يمكن غيري بحاجه له اكثر مني


و الحمدلله على كل حال