اقتباس:
المشاركة الأصلية كتبت بواسطة الاليكترونيه
السلام عليكم ...كيفكم يا بنات
حبيت اشارككم تجربتي ...اليوم قمت من 8 الصبح رحت على مدرسة كانو طالبين مني شرح درس
كانو متفقين معايا عالربوع الي فات بس اتاجل الموضوع ..المهم ورحت ياحبيبتي عالموعد واتصلت على رقم الاستاذه (مشرفة قسم) الي كلمتني اول مره .......
اول شي الادميه ما ترد   ********شكلهم دبرو غيري
قعدت الف حول المكان بعد نص ساعه دقت وقالت انتي فين اختفيتي  >>قلت ايواااا يعني ما كانو ينتظروني
المهم قالت تعالي انتظرك ووصفتلي الطريق مزبوط ودخلت ..استنيت  بعد ساعه جات وحده غيرها تقول يلا تعالي القي الدرس هم اتنين بيحضرو لي(مشرفة القسم) ووحده اداريه...
المهم يا حبيباتي وادخل ابدا في الشرح بسم الله الرحمن الرحيم ودوبي بدات اشرح الا اشوف المشرفه قامت وخرجت من الباب >>قهرتني استمريت في الشرح وخرجت بس انقهرت من الاسلوب يعني لو ردتني من اول وقالت خلاص ماعاد نبغا  خرجت والقهر قاتلني ورحت مدرسة (نادية الاخلاق )في شارع الامير سلطان ..وسبحان الله في الاخلاق مرره رائعين ...يعني الكتاب من عنوانه يبان
الخلاصه نادية الاخلاق يبغو مدرسات تخصص انجليزي ويحتاجو تخصصات كثيره حسب ما فهمت  وحبيت اخبركم  مع دعواتكم ليا بالوظيفه |
الله يعوضك بالوظيفة الي احسن منها بس ممكن تقولي اسم المدرسة عشان لا نتورط احنا كمان