لكل من تواجد هنا الشكر والتقدير لكم مشرفنا عبدالله المفلح ......الف شكر وتحية لك ولتواجدك الدائم نتابع ........... حدث لي شيء مضحك هناك حول تقديمي لملفي وهو إنني وفي بداية مشوارنا سألت الشباب في السيارة :- هاه وش شعوركم وانتون رايحين تقديم للوظايف ؟؟ لقيتهم كلهم يضحكون ....رد علي واحد :- أى شعور يا خوك ....مقدمين صار لنا ثمان مرات وما في نصيب قلت للسواق :- وققققققققف !!!! ارميني على الكورنيش وروحوا قدموا !!! أنا واحد جديد على التقديم .....ما ابي تحطيم من البداية . لكن ما وقف وكمل المشوار .......ووصلنا لديوان الخدمة وماشاء الله تبارك الله الناس مثل الدود والوظايف معروضه في لوحة الإعلانات وانت تقدم على اللي تبيه . أول ما ضربت على وظيفة مترجم في ما أدري أي وزارة ، واثق من نفسي قدمت الأوراق والموظف بين إنه يضحك وبين إنه يصيح سألني :- عندك كم سنة خبرة ؟؟ قلت له :- أعرف اتكلم <<< بعدني واثق سألني سؤال والله ما عرفت من وين جايب هالعنقريزي اللي يتكلم به بس ما خليته قلت له :- يس !!! وقف وهو ميت من الضحك ( الحمد لله إن التقديم في غرفة وبالدور والواحد محفوظة كرامته ) قال لي :- الله يستر عليك يالأخ ...روح قدم على وظيفة كاتب يمكن يصيب معاك وتتوظف . ما تركته قلت له :- وهالله هالله ما تقصر معانا <<< بالفعل ما قصر معي بالذات الله يرحم والديه قدمنا الأوراق وبعد اسبوعين صار الإختبار الأول .....وبعد شهر الإختبار الثاني ..... وتغيرت الوظيفة من كاتب إلى " محصل " >>> تصدقون عاد .....الشباب اللي معي الله يستر عليهم ما صار لهم نصيب وما توظفت الا أنا منهم في آخر يوم دوام من شهر رمضان المبارك من سنة ١٤١٦ صدرت ورقة المباشرة ....بس خويكم عيار .......ما رحت الا ثاني يوم دوام بعد العيد >> عندي ١٥ يوم بعد تاريخ المباشرة وخلني استانس بالإجازة يوم اللي باشرت فيه رايح مكشخ ....طقم جديد من الثوب إلى العقال انصدمت ......رئيسي المباشر يقول لي ......تلبس بدله ؟؟؟ ليه ؟؟كيف ؟؟؟ وزارة حكومية ويقول لي تلبس بدله ؟؟؟؟ اللي صار قريب تعرفوه الله يوفقكم ويرزقكم من خيره يارب