السلام عليكم ورحمة الله
اخواني اتمنى من الله ثم منك انكم تساعدوني بفكره ابدا فيها لاني محتاااااار مررررره مادري وش اسوي
انا عاطل عمري 21 سنه ولا ودي اجلس بالبيت عشان كذا صرت اشتغل شغلات بسيطه واجمع والحين ولله الحمد جمعت مبلغ 13000 تقريبا ولا استطيع ازيدها ابدا
وانا من الرياض وابي افتح مشروووع باي طريقه ابي محل وارجو مساعدتي بفكره على قد فلوسي
مع العلم اني ابي شي انا اشتغل فيه مابي اجيب عامل او كذا الا بعدين لارزقني الله وفكرت افتح شي ثاني
بس حاليا ويمكن الى سنه كامله مابي اي عامل انا بشتغل بنفسي انا وخويي
عشان كذا لاهنتم ابي المساعده بخبرتكم وافكاركم
وعلى فكره تراني اعرف لصيانة الحاسب والهارد وير
يعني عندي خبره من هالناحيه بس قالولي مافيه مكاسب ويبيلها راس مال كبير
وفكرت ايضا بالمعمول والتمر لاكن متخوف
ساعدونا بافكاركم لاهنتو بشي على قد الفلوس
ملاحضه:بالنسبه للمحل ابو خويي عنده مكتب عقار ويمون على اهل العماير يمكن يلقالنا بسعر رخيص
وشكرا