صباح الخير لكل عاطل وعاطله


جيبت لكم قصيده روعه وحزينه



اتمنى تعجبكم مع انها تعور القلب

و قديمه بس خطيييره ........











ثلاثة سنين..


ثلاثة سنين أنا أخطط لهذا اليوم ياابو سعود..



تيسر حالي وجاهز أوفي وعدي بوقته..

وفجأة ..!!



جتني تتعذر تقول أتأخرت الوعود..




وأنا مستغرب واسمع كأني وعدها خنته..!!

حسبت انها تمازحني وتتصنع جفا وصدود..

ضحكت بوجهها من قلب مع انها بايخة النكتة..

وقالت ارضى بالواقع قلبي ماهو بالمعهود ..

تغير كل شي صوبك. نصيبي مااظن انت ..!!!!!

كنت بيوم محبوبي ولكن ما اظن نعود..

وصل من قبل ما توصل ..وأنا ذاك الصبر عفته..

ولكن تكفى صدقني ويشهد ربي المعبود..

ترى ماخنتك بغفله ولا كلمته وشفته..


صراحه أهلي قالولي بأنه ولد أصل وجود..


وجتني أمه بالصورة وبكلمات المدح أخته..


سكت وقلت هي فرصه مدام الجود في الموجود..


وقالو كل من حولي علامات الرضى سكتــه..

وأنا فكرت دام أمه وأخته ماعليهم زود..


أكيد اني باأراضيهم إذا وافقت واخترته..

وأراضي أهلي وأخواني مدام ان الفرح مقصود..


عطيت الناس أنا كلمه ومعاهم وقتي حددته..

ولا أقدر أغيرها ترى عند العرب منقود..

أوافق وأعتذر باكر وأقول الرأي غيرته..

تبي تشرحلي المنقود..!!

تصدق عاد ياابو سعود..

تبيني أقتنع وأرضى بحال عمري ماعشته..؟

أنا ماني بقايلها عسى يفرش ثراها ورورد..



بعد ماحطمت قلبي وطعم الموت جربته..

عسى بفستانها أشواك وفي ثوبه عقارب سود..

ونار تحرق الكوشة وتحرق بيتهم حتى..

وموت بليلة الدخلة يبرد حرتي ياكود..

ولا أحس انها بحضنه يلامس خد لامسته..

علي أهون إذا ماتو ولا بنفس السرير رقود..

ترى صعب علي أتخيل اللي ماتخيلته..

عسى قاع الثرى يقسى ويتحول صخر جلمود..

وحفار القبر يرفض يسوي فوق مقدرته..

ترى دفنة عديل الذات تلوع حتى كبد الدود..

ومن خان العهود ومات تعافه حتى مقبرته..

عسى ربي يجازيهم بحبل من مسد ممدود..

يعلقهم من أطرافه وفوقه نار وتحته..

أنا ماني حقود وشين ولاني من نسل نمرود..



ومن حط نفسه بوضعي بيقول اللي أنا قلته ..

مدام الفعل له ردة فعل والله ابشري بردود..

باأدعي دامني حي وبااغرس للدعا نبتة ..

وبأسقيها نزيف القلب ودمع مارحم الخدود..

وتكبر والثمر ثاري من اللي خانني وخنته..

أنا نذر علي أكتب وأفجر هالقصيدة رعود..

وأسمع كل بشر صوتي عجبته ولا زعلته..

وأردد للي يسمعني إذا حبيت حط حدود..

أنا حبيت دون حدود وشوف اللي تكبدته ..

ثلاث سنين أنا أبني وجت صورة بكل برود..

خذت مني شقا عمري وحلم قلت حققته..

ثلاث سنين أنا أخطط لهذا اليوم ياابوسعود..

وتوافق من كلام أخته وصورة ..اربعه في ستة..



^
^
^
^

احس ان مشاعره زي هذول مو عارف ايش يسوي


الله لايكسر خاطر مسلم <<<حزني والله


تحياتي