الاختبار كان فقط على الكمبيوتر... كـ إختبار تقييم لمهاراتك و من هذي الأشياء...

مدة الاختبار كانت ساعه فقط... لكن لو بغيت تقعد ساعتين أو حتى عشر محد قايل لك شي!

الاختبار كان عباره عن قسمين (أ) و (ب)

القسم (أ) يحتوي على 40 فقره

و كل فقره عباره عن 4 أمور... انت لازم تختار جوابين من الأربع أجوبه... لا أربع أجوبه ولا جواب واحد!
و أما الاختيار في جميع الفقرات الـ 40 راح يكون للإثنين اللي أكثر شي ممكن يحبطك أو يزعجك أو يغضبك من الأربع اجابات!

مثال على أحد الأسئله اللي راح تواجهكم في القسم الأول (أ):
- السفر لمقابلة زبون عند الحاجه
- العمل في حل النزاع بين الموظفين
- تنظيف المكاتب
- مساعدة الزبون فيما يبحث عنه

القسم (ب) يحتوي على 120 فقره

و كل فقره تحتوي على سؤال و على مستويات (مستويات مثل اطلاقاً, بعض المرات, في الغالب, دايماً.....)

و أما الاختيار راح يكون اختيار واحد من الاختيارات اللي موجوده قدامك واللي تكون حقيقيه عن نفسك!

مثال على أحد الأسئله اللي راح تواجهكم في القسم الأول (ب):
زملائك يقولون عنك انك سريع الغضب؟
- اطلاقاً
- ليس كثيراً
- بعض المرات
- كثيراً جداً
- غالباً
- دائماً بشكل ثابت
- دائماً

ملاحظات:

- مدة الاختبار ساعه وحده بس... هم ممكن ما راح يعلمونك عن ذي النقطه و ممكن ما يعطونك خبر اذا قربت الساعه تنتهي او حتى اذ ا انتهت الساعه مثل ما حصل معانا اليوم! ولا في ساعه في البرنامج تبين لك الزمن اللي معاك فـ استخدم ساعتك أو جوالك علشان تنتبه للوقت... و اذا زاد الوقت عن الساعه راح يحسب عليك بالسالب يعني كل ثانيه أو دقيقه زياده مو لصالحك!

- لا تنسى بطاقة الهويه الوطنيه...

- مافي داعي للسيره الذاتيه في هذا الموعد!

- على آخر اليوم يتم رفع تقرير بالنتايج للإداره... يعني الاتصال راح يجيك بعدها بيوم أو يمكن اثنين أو الى اسبوع اذا نجحت في هالاختبار! علشان يعطونك معلومات عن موعد المقابله الشخصيه الجاي!

- البعض عطوهم موعد اليوم و البعض راح يكون بكره ان شاء الله يعني المواعيد على يومين الاثنين والثلاثاء

- اللي عنده أي استفسارات أو يبي يقدم عليهم يطلع لهم بكره

اذا انت طلعت للدور الثاني خذ يمينك عند المكتب اللي داخل مو اللي بالواجهه... عطه هويتك بعدها راح يعطيك رقم علشان تروح لغرفة الحاسب الآلي علشان تبدأ الاختبار...

بالتوفيق ان شاء الله للأخوان اللي اختبرو اليوم و للي موعدهم بكره