مدري ليش يا أخوي الحصاه يزعلون من بعضهم
لاحظت كذا موضوع هو في الأصل مزحه حلوه و خفيفة موضوع القصد منه التسلية و رسم البسمة على ثغر اللي يقراه لكن تلقى ردود بعض الأعضاء جدية و تتحول الردود بعد كذا لشحناء و بغضاء .. الموضوع المقصد منه ضحكة و بسمه و وناسه و تلقى بعضهم الله يهداهم يقلبون الموضوع جد و عنصرية و إستهزاء و تريقة ... برغم إني أجزم و أأكد إن هذول الأعضاء قلوبهم طيبة و فيهم الخير إن شاء الله ... بس مدري ليش يزعلون من بعض و مدري ليش ياخذون الموضوع بجدية و يعطون الموضوع اكثر من حقه مع إن القصد منه مزح و وناسه ...
قول لي يا صاحبي ليش هالزعل ؟ ودي أعرف مع إنهم كل أبوهم طيبين و غاليين و أخلاقهم سنعه و قلوبهم طيبة إن شاء الله .. ولا وش رايك يا صاحبي ؟
أزعل يوم أشوف أعضاء يزعلون من بعضهم و أتضايق من أخ عضو يزعل من أخوه العضو
لكنه في النهاية سوء فهم لا أكثر
عسى ربي يهدينا و ياهم للخير و المحبة و المودة و الألفة مع بعضنا و الله لا يفرقنا عن بعض ولا نزعل من بعض إن شاء الله ... لا أمدح ولا أجامل الحمدلله أفتخر إني أحد أعضاء هالمنتدى الطيب إن شاء الله
و أفتخر إن الأعضاء هنا راقيين و أخلاقهم عالية .. لكن الشيطان أعوذ بالله منه يحاول إنه نزعل من بعض
الله يهدي من خلق و الله يوفقنا لطرح مواضيع مفيدة نفيد و نستفيد و نكون كلنا أخوان و أحباب في الله .. آمين