كل مدينه من مدن المملكه فيها محلات اوسوق يسمى سوق المستعمل

شفته في تبوك في حي المهرجان

عندنا بالمدينه موقعه طريق العيون المثلث

الطريقه ياغالي

انت بين خيارين...

الخيار الاول: انك تكون كل يوم في هذا الحراج وبالذات الفتره العصريه والجمعه يكون السوق افضل

طبعا انت في هالحال تراقب السوق وتشوف ان هذا مستاجرسياره عشان يبيع اثاث مستعمل استعمال خفيف

وهذا مطلق زوجته وهو مادخل عليها بعد ان اثث البيت واثاثه جديد فهو واصله معه وناوي بيعه اول زبون يقابله

طبعا انت في هالحال رايح تتعلم وتشوف انا هالشريطي هذا يشتري البضاعه وهي على ظهر سيارتها ويجيه واحد من جيرانه ويعطيه مكسب 200 ريال ويجي اخر عنده استراحه ومحتاج مثل هالعفش ويعطيه مكسب 500
وهلم جرى...

الخيار الثاني تاخذ محل وتبدا تشتري من الحملات عفش ومفارش وكنبات وغيرها وتبيعها انت بالتفريق

لكني انصحك ابدا بالخيار الاول .. ثم اذا رايت ان هالشغله ناسبتك انتقل للخيار الثاني لكن ليس قبل ان تمضي على الاقل 2 الى 4 اشهر

الله يرزقك..