الحين اللي يقول انهم بيدقو على خمسين من المرتبة الرابعه اللي مااجتازو الكشف ولااكملو اوراقهم

ووين راحو اللي اجتازو الكشف واكمل اوراقهم وقاعدين يسكتونا بالدفعه الثانية اللي بعد اسبوعين

مافيه امل تخلص هالاسبوعين بالله من 16/3 الى الحين مافية امل تنتهي هالاسبوعين لاوبعد قويين عين يقولو اتصلنا ولاحد رد ودقينا على الفروع واخذنا عناوينهم مدري لي في هالزمن مافية احد يستحي من الكذب لاوالمشكلة ديوان مظالم المشكلة يالغالي حنا نتصل فيهم وهم اللي مايردون خاصة الفترة الاخيرة محد عاد يرد علي حسيت انهم خلاص عرفو رقمي فماعاديردو علي

خطاب اوجههة لاخواني اللي ماطلع له اسم للحين من الدفعه الثانية خاصة اهل الرياض لاتوقفو مكتوفي الايدي والله لو اني في الياض غير اجيهم كل يوم المشكلة انا في الجنوب ومقدم على جدة واحس اني خلاص استحيت من الاخ ابو عبدالله اللي في فرع جدة كل اسبوع ادق علية والمسكين يقول ماوصلنا شيء وقاعد يصبرني بكلامة مدري والله ايش نهايتنا انا لو الظروف تسمح لي غير اطلع لهم الرياض وكل يوم عندهم الين اشوف صدقهم من كذبهم تخيل الحاله النفسية اللي وصلنا لها بسبتهم طيب اقل شيء طلعو اسماء وقولو لنا انتم مباشرتكم متاخرة اقل شيء الواحد يكون على بينه اسال الله العلي العظيم ان ياخذ حقنا من الذي كان السبب اللهم انتقم منه في اعز شيء عندة لابارك الله فيهم ولافي وظيفتهم اللي وصلتا لهذة الحاله النفسية السيئة والا اش معنى يقومون بتقسيمنا الى دفعتين نص اللي قدمو انقبلو والحين تصرف لهم رواتب وحنا معلقين لاوكمان يقولك ناخذ من اللي ماخلص كشف واوراقه ماهي جاهزة ليش كذا يصير فينا ليش هالحظ ماوقف الا علينا مايحسو في المرطة اللي تمرمطناها كل هالفترة صح الواحد لمن ينقبل يرتاح وينسى هالفترة اللي مرت بس حنا عايشين على نار اللي في السادسة خلصو ورانا وكم يوم وتطلع نتائجهم بس حنا مصيرنا مبهم ماندري وش اللي صار علينا لو قالو انتم مانقبلتم او العدد الوظيفي قليل كان خلاص نسيناها بس كل مجمعين على اجابة واحدة من اسبوعين الى ثلاثه ماية امل تنتهي هالكذبة والاحسابهم للاسابيع غير

مدري احس اني طلعت عن طوري بس قسم بالله من النفسية اللي وصلونا لها الديوان الظالم