السلام عليكم ورحمة الله وبركاته
كل عام وانتم بخير . و جمعه مباركة
اختي فعلا كلامك لو كان في الحقيقة فهو مؤثر وانا لا اكذب ما قلتي
لان الامرّ والاصعب من موقفك قد واجهناه وحصل مع ناس كثير نعرفهم .
وسلامة الوالدة الف سلامة .والله يفرج كربتك ان شاء الله بحق اليوم الفضيل هذا.
اللي يقول نروح نفقع الهنود ونكفخهم .. جزاهم الله خير ع الحماس اللي فيهم وما قصروا
لكن اقول خليكم مكانكم احسن ما قصرتوا 
اختي نوف وبعض الاخوات ما قصروا في كلامهم ارى فيه بعض الصواب
وكلام اختي ام الوظائف منطقي وما قصرت حفظها الله.
اما شغلة المحامي وانه يعرف من فين تؤكل الكتف ارى فيها بعض النظر .
و مو كل محامي يعرف وكونك لوحدك في المنزل فـ الامر صعب .
ولكن هناك حل وما اتوقع انه بيصعب عليكي لو كان بيدك .
الا وهو ( انك تنقلي من المنطقة او الحي اللي انتي فيها ). لا تقولي الامر صعب .
هنا تطلع نخوة الشباب لو فيهم خير يدوروا لك مكان لو على قد الحال الميسور.
مو عيب انه الواحد يطلب من اخوانه او من احد ما يعرفه .
جمعتنا اخوة الاسلام والدين والاخوه في الله قبل اخوة الرحم او اي شي ثاني.
وخلو المضاربه والكلام الفاضي اللي ما راح يودي ولا يجيب ، منهم لله وبس.
الواحد لو بيجلس عـ مشاكل وتفاهات مع هالناس بيرتفع عنده الضغط وبيجيه سكر
وابشرك السكر صار غالي في السوق
المهم وبعد ذلك جيبي لك سواق او 10 ما احد ،راح يجلس لك لا هندي ولا بنقالي ولا غيره
وبيني وبينك ابعدي عن الجنس هذا جدا (الكثير يشتكوا منهم)
شوفي لك سواق عربي عارف البلد او اندونيسي ويكون يخاف الله ^_^
وان احتجتي الخدمة ، ما راح تلاقي القصور من احد ،وحطي في بالك قبل كل شي
الله سبحانه وتعالى ما يرضى الظلم لاحد و ان ابتلى عباده
يحب يشوف العبد هذا اي طريق يسلك .
الواحد ما بيده غير الدعاء ، وفرج الله قريب ان شاء الله ^^
هذا ما حبيت اضيفة والباقي على الله ثم تفكيرك واتجاهك .
دمتي في حفظ الله .